امیرِاہلسنت مولانا محمد الیاس عطارقادری دَامَتْ بَرَکَاتُہُمُ  الْعَالِیَہنصیحت کرتے ہوئے فرماتے ہیں:

کینۂ مسلم سے سینہ پاک کر                                                                                 اتباعِ صاحبِ لولاک کر

خوب کر ذکرِ خدا و مصطَفٰے                                                                                        دل  مدینہ  یاد  سے  ان  کی  بنا^([1])

باہمی محبّت  اَنمول نعمت ہے

پارہ:10، سورۂ اَنفال، آیت:63 میں اِرشاد ہوتا ہے:

وَ اَلَّفَ بَیْنَ قُلُوْبِهِمْؕ-لَوْ اَنْفَقْتَ مَا فِی الْاَرْضِ جَمِیْعًا مَّاۤ اَلَّفْتَ بَیْنَ قُلُوْبِهِمْ وَ لٰكِنَّ اللّٰهَ اَلَّفَ بَیْنَهُمْؕ-تَرْجمۂ کَنْزُالعِرْفان: اور اس نے مسلمانوں کے دِلوں میں اُلفت پیدا کردی۔ اگر تم زمین میں جو کچھ ہے سب خرچ کر دیتے تب بھی ان کے دِلوں میں اُلفت پیدا نہ کر سکتے تھے لیکن اللہ نے ان کے دِلوں کو مِلادیا۔

مشہور مفسرِ قُرآن، حکیم الاُمّت مُفتی احمد یار خان نعیمی رَحمۃُ اللہِ عَلَیْہ اس آیتِ کریمہ کے تحت فرماتے ہیں: عرب کی آپس میں دشمنیوں اور سختیِ دِل کا یہ حال تھا کہ وہ قبیلوں اور خاندانوں میں بٹے ہوئے تھے، اگر ایک قبیلے کا آدمی دوسرے قبیلے کے بچے کو تھپڑ مار دیتا تو دونوں قبیلے تِیْر اور تلوارَیں لے کر مُقابلے میں آجاتے اور بہت خُون رَیْز جنگ ہوتی، جو صدیوں تک باقی رہتی۔ مدینہ کے اَنصار (یعنی) اَوْس اور خَزْرَج میں 120 سال سخت جنگ رہی، ان کے ملنے کی کوئی اُمِّید ہی نہ تھی۔ دُرود ہوں اس ذاتِ کریم (صَلَّی اللہ عَلَیْہِ وَ آلِہٖ وَسَلَّم) پر جس نے