ہٰذَا الْاَمْرِ یعنی قیامت کے دِن نجات کا دار و مدار کس بات پر ہے؟ فرمایا: ‌مَنْ ‌قَبِلَ ‌مِنِّي ‌الْكَلِمَةَ فَهِيَ لَهُ نَجَاةٌیعنی وہ کلمہ جس کی میں دعوت دیتا ہوں (یعنی کلمہ طیبہ)، جس نے (دِل سے) وہ کلمہ قبول کر لیا، اس کے لئے نجات ہے۔ ^([1])

اللہ   وَاحِد   و   یَکتا  ہے                                                                                                                  ایک خُدا بَس تنہا ہے

کوئی نہ اُس کا ہَمتا ہے                                                                                                     ایک ہی سب کی سُنتا ہے

لَآاِلٰہَ  اِلَّا  اللّٰہ    اٰمَنَّا    بِرَسُوْلِ   اللّٰہ^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

واقعہ سے ملنے والے سبق

پیارے اسلامی بھائیو! صحابۂ کرام رَضِیَ اللہُ عنہم  کی سیرت کا یہ خوبصُورت واقعہ جو ہم نے سُنا، اس میں ہمارے لئے سیکھنے کے بہت سارے سبق ہیں۔ چند باتیں عرض کرتا ہوں:

(1):نجات کا دار و مدار ایمان پر ہے

اس واقعہ سے پہلا سبق تو یہ مِلا کہ روزِ قیامت نجات کا دار و مدار ایمان پر ہے، کوئی چاہے جتنے مرضی اچھے کام کرے*پُوری دُنیا میں یتیم خانے کھول دے*دُنیا بھر کے غریبوں میں لاکھوں روپیہ تقسیم کرے*ہر بےگھر کو گھر بنا دے*ہر بھوکے کو کھانا کھلا دے *جتنے چاہے بھلائی کے کام کرتا رہے، اگر اُس کے دِل میں ایمان نہیں ہے تو یہ سب بھلائیاں بیکار ہیں، اللہ پاک کے حُضُور ہر گز ہر گز قبول نہ ہوں گی۔ ہاں! جس کے دِل میں ایمان کی دولت موجود ہے، اس کی چھوٹی سے چھوٹی نیکی، بڑی سے بڑی نیکی اِنْ شَآءَ اللہُ