سينه صَلَّى اللّٰهُ عَلَيۡهِ واٰلِهٖ وَسَلَّم انهن خوش بختن کي انصار جو لقب عطا فرمايو. ^([1]) انصار جي معنيٰ آهي: مدد ڪرڻ وارا.

هڪ دفعو اَوس ۽ خَزرج جا ڪجهه ماڻهو گڏجي پيار محبت ڀريون ڳالهيون ڪري رهيا هئا ته اُتان کان هڪ غير مُسلم گذريو، ان جڏهن ڏٺو ته اسلام اوس ۽ خزرج جي درميان اختلافن کي ختم ڪري کين محبت ۽ خلوص جي رنگ ۾ رنڱي ڇڏيو آهي، هي ڏسي هُو حَسَد ۾ مبتلا ٿي ويو ۽ ان هڪ غير مُسلم نوجوان کي اهي نظمون ياد ڪرايون جيڪي بُعاث جي جنگ ۾ اَوس ۽ خَزرج جي شاعرن هڪٻئي خلاف چيون هيون، پوءِ ان کي چيو ته وڃي اَوس ۽ خزرج جي مجمعي ۾ ويهي انهن کي هي نظمون ٻڌايو! جڏهن انهن هي نظمون ٻڌيون ته اوس ۽ خزرج جا جذبات وري ڀڙڪي اٿيا، تان جو سڀئي هٿيار کڻي جنگ جي ميدان ۾ پهچي ويا. جڏهن رسول ڪريم صَلَّى اللّٰهُ عَلَيۡهِ واٰلِهٖ وَسَلَّم  کي هن جي خبر پئي ته پاڻ سڳورا صَلَّى اللّٰهُ عَلَيۡهِ واٰلِهٖ وَسَلَّم جلدي مان تشريف کڻي آيا، ٻنهي قبيلن کي روڪيو ۽ فرمايو: "مان توهان جي درميان موجود آهيان ۽ توهان جاهليت جي جنگ وڙهڻ لاءِ وڃي رهيا آهيو؟" پاڻ ڪريم صَلَّى اللّٰهُ عَلَيۡهِ واٰلِهٖ وَسَلَّم جي نصيحت ٻڌي انهن ٻنهي قبيلن سمجهي ورتو ته هي شيطاني چال ۽ غير مسلمن جي سازش هئي، جيئن ته ٻنهي قبيلن توبه ڪئي ۽ هڪٻئي کي سيني سان لڳايو ۽ محبت سان واپس پنهنجي گهرن ڏانهن روانا ٿي ويا. هن موقعي تي هي آيتِ ڪريمه نازل ٿي ۽ حڪم ٿيو. ^([2])  

وَ  اعْتَصِمُوْا  بِحَبْلِ  اللّٰهِ  جَمِیْعًا  وَّ  لَا  تَفَرَّقُوْا۪-

ترجمو ڪنزالعرفان: ۽ توهان سڀ ملي ڪري الله جي رسّي کي مضبوطي سان پڪڙي وٺو ۽ هڪٻئي ۾ ڏڦيڙ نه وجهو.