Book Name:Itifaq Main Barkat Hai
عَلّامه قرطبي رَحۡمَةُ اللهِ عَلَيۡه فرمائن ٿا: هن آيت ۾ الله پاڪ پاڻ ۾ محبت رکڻ جو حڪم ڏنو آهي ۽ تَفۡرِقه (يعني هڪٻئي کان الڳ ٿيڻ، فرقن ۾ ورهائجڻ) کان منع ڪيو آهي ڇو ته پاڻ ۾ اختلاف تباهي آهي ۽ محبت ۽ اتفاق نجات آهي. آيت جي هڪ معنيٰ بيان ڪندي علّامه قُرۡطُبي رَحۡمَةُ اللهِ عَلَيۡه فرمائن ٿا: مطلب اهو آهي ته اي ماڻھو! پنهنجي پنهنجي خواهشن ۽ مختلف مقصدن جي پويان هلي اختلافن ۾ نه پئو بلڪ دين ۾ ڀائر ٿي وڃو.
دُنیا کے جھگڑوں سے یکسر چُھڑا کر غیروں کی اُلفت کو دِل سے مِٹا کر
شاہِ والا مجھے اپنا بنا لو! اپنا بنا لو! مجھے اپنا بنا لو!
اسان جا نبي الله پاڪ جي موڪليل مضبوط رسّي آهن
پيارا اسلامي ڀائرو! اسان سُوره آلِ عمران، آيت:103 جو ڪجهه حصو ٻڌو، ان ۾ حڪم ڏنو ويو ته الله پاڪ جي رسي کي مضبوط پڪڙي رکو...!!
هي الله پاڪ جي رسي ڇا آهي، ان متعلق هڪ قول هي آهي ته ان مان اسان جا پيارا آقا، مڪي مدني مصطفٰي صَلَّى اللهُ عَلَيْهِ وَ آلِه وَ سَلَّم مراد آهن. يعني پاڻ ڪريم صَلَّى اللّٰهُ عَلَيۡهِ واٰلِهٖ وَسَلَّمَ اها مضبوط رسي آهن، جنهن کي پڪڙي هڪ ٿيڻ جو حڪم ڏنو ويو. امام شرف الدّين بوصيري رَحۡمَةُ اللهِ عَلَيۡه آقاءِ نعمت، مصطفي جانِ رحمت صَلَّى اللّٰهُ عَلَيۡهِ واٰلِهٖ وَسَلَّم جي شان بيان ڪندي فرمائن ٿا:
دَعَا اِلَی اللہِ فَالْمُسْتَمْسِکُوْنَ بِہٖ مُسْتَمْسِکُوْنَ بِحَبْلٍ غَیْرِ مُنْفَصِمِ([1])