آپ کو نبوت کا تاج کب عطا کیا گیا؟ ارشاد فرمایا: وَآدَمُ بَیْنَ الْرُّوْحِ وَالْجَسَدِ یعنی ابھی حضرت آدم عَلَیْہ ِالسَّلام  روح اور جسم کے درمیان تھے، اُس سے پہلے ہی مجھے نبوت کا تاج عطا کر دیا گیا تھا۔ ^([1])

اس حدیث ِ پاک کی شرح میں علما نے یہ بات بھی لکھی کہ ہمارے آقا صَلَّی اللہُ عَلَیْہِ وَ آلِہٖ وَ سَلَّم جب دنیا میں تشریف نہیں لائے تھے، عالمِ ارواح میں تشریف  فرما تھے، اُس وقت بھی روحانی طور پر انبیائے کرام علیہم ُالسَّلاَم کو فیض پہنچا رہے تھے۔ ^([2])

سُبْحٰنَ اللہ! کیا شان ہے میرے آقا صَلَّی اللہُ عَلَیْہِ وَ آلِہٖ وَ سَلَّم  کی...!! اس سے پتا چلا کہ محبوبِ کائنات صَلَّی اللہُ عَلَیْہِ وَ آلِہٖ وَ سَلَّم  کے جیسا مُعَلِّم اور کوئی نہیں ہے، آپ وہ شان والے مُعَلِّم ہیں کہ کم و بیش ایک لاکھ، 24 ہزار انبیائے کرام علیہم ُالسَّلاَم  نے بھی آپ سے فیض حاصِل کیا ہے۔ پِھر ہم کیوں نہ کہیں:

سب سے اَولیٰ و اعلیٰ ہمَارا نبی                                                                    سب سے بالا و وَالا ہمَارا نبی

خلق سے اَولیا اَولیا سے رُسل                                                                       اور رَسولوں سے اَعلیٰ ہمَارا نبی

مُلکِ کونین میں اَنبیا تاجدار                                                                                      تاجداروں   کا   آقا   ہمَارا   نبی^([3])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

قصّاب کی تربیت فرمائی

پیارے اسلامی بھائیو! ہمارے آقا و مولیٰ، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم  مُعَلِّمِ