دا يـې چې واوريدل نو حضرت ابراهيم آجُرِّي رَحْمَةُ اللهِ عَلَيْه د هغۀ څادر راواخستو، خپل څادر مبارک يـې هم لرې کړو، دواړه څادرې يـې پۀ يو بل کښې راونغښتلې او بَل شوي تنور ته يـې وغورځولې۔ لږ وخت پس پخپله هم تنور ته وردننه شو، څادرې يـې بهر راويستلې، چې اوئې کتل نو د هٰغه غير مسلمه څادر سوزيدلے اِيره شوے وو او د حضرت ابراهيم آجُرِّي رَحْمَةُ اللهِ عَلَيْه څادر مبارک بالکل صحيح سلامت وو، پۀ دې باندې د وور بالکل څۀ اثر نه وو شوے۔ دا کِرامت يـې چې ښکاره کړو نو اوئې فرمائيل: زمونږ د دواړو به دوزخ ته تلل داسې وي، غير مسلمه به د دوزخ پۀ وور کښې وسوزي او مسلمان به پۀ سلامتيا سره تير شي۔ دا يـې چې وليدل نو هٰغه غير مسلمه کلمه وه وئيله او مسلمان شو۔ ^([1])

د آيت مبارک وضاحت

خوږو او محترمو اِسلامي وروڼو! پۀ دې واقعه کښې چې د قرآن د کوم آيت ذِکر وشو، دا د شپاړسمې سيپارې، د سورۀ مريَم 71 نمبر آيت دے۔ د دې وضاحت واورئ! الله پاک فرمائي:

وَ اِنْ مِّنْكُمْ اِلَّا وَارِدُهَاۚ- (پارہ:16، سورۂ مریم:71)

[مفهوم] ترجمهٴ کنزُ العِرفان: او ستاسو نه هر يو پۀ دوزخ باندې تيريدونکے دے۔

د دې آيت يوه معنیٰ دا ده چې پل صِراط کوم چې به د دوزخ د پاسه  کيښودلے شي، هر يو ته پۀ هغې باندې تيريدل دي، آؤ! چې څوک مسلمان وي، هغۀ به پۀ دې باندې پۀ سلامتيا سره تير شي او څوک چې غير مسلمه وي، هغۀ به کټ شي او د دوزخ ژورې کندې ته به پريوځي۔ (صراط الجنان)