Book Name:Rah e Najat
سُبْحٰنَ اللہ! د کلمه ويونکي مسلمان هم څۀ ښکلے شان دے۔۔۔!! هٰغه د ويښته نه نرے، د تورې نه تيرۀ پل صراط، پۀ کوم باندې چې هر يو کَس ته خامخا تيريدل دي، چې کله به غير مسلمه پۀ دې باندې کټ کيږي او دوزخ ته به پريوځي نو اِنْ شَآءَ اللہُ الْکَرِیم! مؤمِن بنده به پۀ دې باندې پۀ سلامتيا سره تير شي۔ اِمامِ اهلِسُنَّت اعلیٰ حضرت رَحْمَةُ اللهِ عَلَيْه ليکي:
پائے کوباں پُل سے گزریں گے تری آواز پر رَبِّ سَلِّم کی صدا پر وجد لاتے جائیں گے
وضاحت: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! اِنْ شَآءَ اللہُ الْکَرِیم! ستاسو عاشقان به پۀ پل صراط باندې ستاسو د رَبِّ سَلِّم پۀ اواز باندې پۀ وجد کښې راځي، پوندې به وهي او د سرور او مستۍ پۀ حالت کښې به پرې تيريږي۔
خوږو او محترمو اِسلامي وروڼو! اَلْحَمْدُ لِلّٰہ! مونږه مسلمانان يو، الله پاک صرف پۀ خپل کرم باندې مونږ ته د اِيمان دولت راعطا کړے دے، يقيناً چې دا ډير لوئي بلکې د ټولو نه لوئي کرم دے۔ د ټولو فضيلتونو، د ټولو عطاګانو، د ټولو نعمتونو اصل هم اِيمان دے * چې کله اِيمان نصيب شي نو بيا بنده د الله پاک د خاص رحمتونو حق دار جوړ شي * چې کله اِيمان نصيب شي نو بنده کامياب شي * چې کله اِيمان نصيب شي نو بنده د جنَّت حق دار جوړ شي، الله پاک پۀ اِيمان والؤ باندې خاص کرم فرمائي * اِيمان والا ته پاک ژوند عطا کولے شي * د اِيمان والا نيکۍ قبلولے شي * د اِيمان والا ګناهونه معاف کولے شي * د اِيمان والا قبر د جنَّت باغ جوړيږي * د اِيمان والا راحت او سکون نصيب کيږي * او هُم اِيمان والا دے د چا د پاره چې د اخرت ټول نعمتونه تيار کړے شوي دي * بے اِيمانه او غير مسلمه خلق خو د رَبّ نافرمانه دي * د هغۀ د رحمت نه لرې * د هغۀ د غضب حق دار او هميشه هميشه پۀ دوزخ کښې د پاتې کيدو لائق دي