کریں*درودِ پاک کی کثرت کریں*توبہ و استغفار کی کثرت کریں*نفل روزوں کی کثرت کریں اور اس مہینے میں بھی، اس کے ساتھ ساتھ پُوری زندگی ہی گُنَاہوں سے ہمیشہ بچتے ہی رہیں۔ اللہ  پاک ہمیں عمل کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖن   صَلَّی اللہ  تَعَالٰی عَلَیْہِ وَاٰلِہٖ وَسَلَّمَ  

امامِ حُسَین رَضِیَ اللہُ تَعَالٰی عَنْہُ  کا ایک خطبہ

پیارے اسلامی بھائیو! 5 شعبان شریف کو اِمَام ِعالی مقام، امامِ عرش مقام حضرت امام حُسَیْن رَضِیَ اللہُ تَعَالٰی عَنْہُ  کا یومِ وِلادت ہے۔

مرحبا! سَرْوَرِ عالَم کے پِسَر آئے ہیں                سیدہ فاطمہ کے لختِ جگر آئے ہیں

واہ قسمت! کہ چراغِ حرمین آئے ہیں              اے مسلمانو! مبارَک کہ حُسَیْن آئے ہیں^([1])

آئیے! ذِکْرِ امامِ حُسَین رَضِیَ اللہُ تَعَالٰی عَنْہُ  سے برکت لینے کے لئے آپ کا ایک نصیحت بھرا خطبہ سُنتے ہیں: روایت میں ہے: کربلا کے دِن 10 مُحرّم شریف کی صبح کو اِمَام ِعالی مقام، امام حُسَیْن رَضِیَ اللہُ تَعَالٰی عَنْہُ  نے خطبہ دیتے ہوئے فرمایا: *اے اللہ  کے بندو! اللہ  پاک سے ڈرو! اور دُنیا سے بچتے رہو! *بےشک اس دُنیا میں اگر کسی نے ہمیشہ رہنا ہوتا تو ضرور انبیائے کرام علیہم ُالسَّلاَم ہمیشہ رہتے مگر اللہ  پاک نے اس دُنیا کو آزمائش کے لئے پیدا فرمایا ہے*یہاں کے رہنے والے سب فَنَا ہونے کے لئے ہی بنائے گئے ہیں*دُنیا کی نئی چیزیں پُرانی ہونے والی ہیں*یہاں کی نعمتیں ختم ہونے والی ہیں*یہاں کی خوشیاں ختم ہونے والی ہیں، پَس! سامانِ سفَر تیار کرو! بےشک بہترین سامانِ سَفَر تقویٰ ہی ہے، اللہ  پاک سے ڈرو! تاکہ تم کامیاب (Successful)ہو جاؤ...!! ^([2])