سنیئے! اللہ  پاک فرماتا ہے:

ذَوَاتَاۤ اَفْنَانٍۚ(۴۸)   (پارہ:27، الرحمٰن:48)

تَرْجمۂ کَنْزُالعِرْفان: شاخوں والی ہیں۔

یعنی ان جنتوں میں پھلوں سے لدے ہوئے باغات ہیں، ہر شاخ پر قِسم قِسم کے میوے لگے ہوئے ہیں۔^([1])

فِیْهِمَا عَیْنٰنِ تَجْرِیٰنِۚ(۵۰) (پارہ:27، الرحمٰن:50)

تَرْجمۂ کَنْزُالعِرْفان:ان میں دو چشمے بہہ رہے ہیں۔

یعنی ان دونوں جنتوں میں صاف اور میٹھے پانے کے 2چشمے بہہ رہے ہیں، ایک چشمے کا نام: تَسْنِیْم ہے۔ ایک کا نام: سَلْسَبِیْل ہے۔^([2])

فِیْهِمَا مِنْ كُلِّ فَاكِهَةٍ زَوْجٰنِۚ(۵۲) (پارہ:27، الرحمٰن:52)

تَرْجمۂ کَنْزُالعِرْفان :ان دونوں جنتوں میں ہر پھل کی دو دو قسمیں ہیں۔

یعنی ان جنتوں میں 2 قسم کے پھل ہیں، بعض ایسے ہیں جیسے پھل دُنیا میں بھی دیکھے گئے اور بعض ایسے نِرالے ہیں جو کبھی کسی نے نہیں دیکھے۔^([3])

سُبْحٰنَ اللہ ! ایسی بےمثال جنتیں ہیں، کس کے لئے؟ جو اللہ  پاک سے ڈرے اور ڈر کر گُنَاہ چھوڑ دے۔

مِرے اَشک بہتے رہیں کاش ہر دم            ترے خوف سے یاخدا یاالٰہی!

ترے خوف سے تیرے ڈر سے ہمیشہ         میں تھرتھر رہوں کانپتا یاالٰہی!