Aao Bhalai Ki Taraf

Book Name:Aao Bhalai Ki Taraf

کرتے چلے جائیں ، اپنے آپ کو عِبَادت پر یُوں لگا دیں کہ بس دُنیا کی ہوش ہی باقی نہ رہے۔

ہرگھڑی رحمت بھری ہے ہرطرف ہیں بركتیں                                             ماہ  رمضاں رحمتوں اور  بركتوں كی كان ہے([1])

عِبَادت پر کمر باندھ لیا کرتے

مسلمانوں کی امّی جان، حضرت عائشہ صِدِّیقہ طیّبہ طاہِرہ    رَضِیَ اللہُ عنہا   فرماتی ہیں:جب رمضان شریف تشریف لاتا تو پیارے آقا،مدینے والے مصطفےٰ  صَلَّی اللہُ عَلَیْہِ وَ آلِہٖ وَ سَلَّم  عِبَادت پر کمر باندھ لیا کرتے تھے۔([2])

امام نَوَوِی  رحمۃُ اللہِ علیہ  فرماتے ہیں:عِبَادت پر کمر باندھ لینے کا معنیٰ یہ ہے کہ رسولِ اکرم، نورِ مُجَسَّم  صَلَّی اللہُ عَلَیْہِ وَ آلِہٖ وَ سَلَّم  عام رُوٹین میں جتنی عِبَادت کرتے تھے،رمضان شریف میں اس سے بڑھ کر عِبَادت فرمایا کرتے۔([3])

سُبْحٰنَ اللہ! یہ ہمارے آقا    صَلّی اللہُ عَلَیْہ وآلِہ وسَلَّم    ہیں جن کا ہر ہر عَمَل ہی عِبَادت ہے بلکہ سچی بات تو یہ ہے کہ آپ کی اداؤں کو اپنانا حقیقت میں عِبَادت ہے۔ آپ    صَلّی اللہُ عَلَیْہ وآلِہ وسَلَّم    کا کوئی ایک لمحہ، ایک سیکنڈ بھی  ایسا نہیں جو مَعاذَ اللہ !فُضُول گزرا ہو، اس کے باوُجُود آپ    صَلّی اللہُ عَلَیْہ وآلِہ وسَلَّم    رمضان شریف میں عِبَادات بڑھا دیا کرتے تھے۔ یہ ہمارے لئے سبق ہے، ہمیں بھی چاہئے کہ جب  رمضان شریف تشریف لے آئے ، تو بس عِبَادت پر کمر باندھ لیں۔ اس کی برکت سے اِنْ شَآءَ اللہُ الْکَرِیْم!  دُنیا بھی سنور جائے گی، آخرت بھی سنور جائے گی۔

آگیا  رمضاں عبادت پر كمر  اب  باندھ  لو                      فیض لے  لو جلد كہ دن تیس  كا مہمان  ہے([4])


 

 



[1]... وسائل بخشش، صفحہ:705 ۔

[2]...شعب الایمان، باب فی الصیام ،فصل فی فضائل شہر رمضان جلد:3 ،صفحہ:310 ،حدیث:3624۔

[3]...فیض القدیر ،جلد:5 ،صفحہ:168 ،تحت الحدیث:6680۔

[4]... وسائلِ بخشش، صفحہ:705 ملتقطاً۔