خوشبوآرہی ہوگی، ان کے لیے عرش کے سائے میں ایک دسترخوان لگا دیا جائے گا، روزہ دار اس دسترخوان سے کھا پی رہے ہوں گے جب کہ لوگ حساب کتاب کی مشقت میں مبتلا ہوں گے۔^([1])

تراویح اور نمازوں میں کمی ہو گی نہ روزوں میں               کرو مل کر یہ نیّت ماہِ رمضان آنے والا ہے

نبی کے عشق میں روؤں، مدینے کے لئے تڑپوں                                        خُدا دے سوز و رِقَّت ماہِ رمضان آنے والا ہے

رہوں قائِم میں توبہ پر، خُدا فضل ایسا کر                                    گُنَاہوں سے دے نفرت ماہِ رمضان آنے والا ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(2):تراویح کے فضائل

رمضان شریف کی دوسری اہم عبادت،  جو رمضان شریف ہی میں کی جاتی ہے،  وہ ہے: نمازِ تراویح۔ رمضان شریف میں  تراویح پڑھنا سنّت مؤکدہ ہے۔^([2])

اللہ پاک کے آخری نبی، رسول ہاشمی    صَلّی اللہُ عَلَیْہ وآلِہ وسَلَّم    نے فرمایا: جو بندہ ماہ رمضان کی رات میں نماز پڑھتا ہے، اللہ پاک اس کے ہر ہر سجدے کے بدلے اس کے لیے 1500نیکیاں لکھتا ہے اور اس کے لئے  جنّت میں سرخ یاقوت کا گھر بناتا ہے، مزید فرمایا: بندہ رمضان شریف میں رات کے وقت یا دِن میں جب بھی سجدہ کرتا، اس کے ہر سجدے کے بدلے جنّت میں ایک ایسا درخت لگایا جاتا ہے کہ اس کے سائے میں گھوڑے سوار 500سال تک چلتا رہے۔^([3])

 سُبْحٰنَ اللہ!  اللہ پاک کی رحمت کے قربان جائیے! رمضان شریف میں صرف ایک