*3 رمضان شریف کو   ہمارے پیارے آقا، مکی مدنی مصطفےٰ    صَلّی اللہُ عَلَیْہ وآلِہ وسَلَّم    کی پیاری اور لاڈلی شہزادی خاتُونِ جنّت حضرت سیدہ فاطمۃ الزہرا     رَضِیَ اللہُ عنہا   کا یومِ وِصَال ہے، اَلحمدُ لِلّٰہ! آپ بہت اُونچی شان والی ہیں، پیارے آقا    صَلّی اللہُ عَلَیْہ وآلِہ وسَلَّم    نے آپ کو اپنے جگر کا ٹکڑا فرمایا^([1]) اور آپ کے بہت سارے فضائل بیان فرمائے ہیں۔  

دُخْترِ مصطفےٰ                                             سیدہ فاطمہ!                                               زوجۂ مرتضیٰ                                         سیدہ فاطمہ!

صالحہ، پارسا                                        سیدہ فاطمہ!                                               طیبہ طاہرہ                                                    سیدہ فاطمہ!

عابِدہ، زاہِدہ                                            سیدہ فاطمہ!                                               صابِرَہ، شاکِرَہ                                    سیدہ فاطمہ!

*اسی طرح 3 رمضان شریف کو ہی مشہور مُفَسِّر ِقرآن مفتی احمد یار خان نعیمی  رَحمۃُ اللہ عَلَیْہ   کا بھی عرسِ پاک ہے *29 شعبان کو مَرْحُوم نگرانِ شُوْریٰ حاجی مشتاق  رَحمۃُ اللہ عَلَیْہ  کا یومِ وِصَال ہے *10 رمضان شریف کو مسلمانوں کی پیاری اَمِّی جان حضرت خدیجۃ الکبریٰ    رَضِیَ اللہُ عنہا   کا *17 رمضان شریف  کو سیدہ عائشہ صِدِّیقہ    رَضِیَ اللہُ عنہا   *19 رمضان شریف  کو پیارے آقا  صَلَّی اللہُ عَلَیْہِ وَ آلِہٖ وَ سَلَّم  کی شہزادی حضرت رقیہ    رَضِیَ اللہُ عنہا   اور *21 رمضان شریف  کو مسلمانوں کے چوتھے خلیفہ مولائے کائنات  حضرت مولیٰ علی المرتضیٰ شیرِ خُدا  رَضِیَ اللہُ عنہ  کا یومِ وِصَال ہے۔ پیارے آقا  صَلَّی اللہُ عَلَیْہِ وَ آلِہٖ وَ سَلَّم  نے فرمایا: مَنْ کُنْتُ مَوْلَاہُ فَعَلِیٌّ مَوْلَاہُ یعنی جس کا میں مولیٰ (یعنی محبوب ومددگار) ہوں، پس یہ علی بھی اس کے مولا (یعنی محبوب و مددگار) ہیں۔^([2])

عاشِقِ مصطفےٰ    مرتضیٰ! مرتضیٰ! سیّدُ الْاَوْلیا       مرتضیٰ! مرتضیٰ!