مجھ سے کس طرح بیاں شان ہو حضرت حمزہ                                                 کُل شہیدوں میں وہ ذی شان ہو حضرت حمزہ

آپ کے دم سے بڑھی شوکتِ اسلام شہا                                                  باعثِ قوتِ ایمان ہو حضرت حمزہ

آپ کو بخشا گیا سیدِ شُہَدا کا لقب                                                                 دین پہ اس طرح قربان ہو حضرت حمزہ

شاہِ کونین سے یوں کر گئے تکمیل وفا                                 جان سے آقا پہ قربان ہو حضرت حمزہ

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

حِلْم اور بردباری اپنائیے!

پیارے اسلامی بھائیو! حضرت امیر حمزہ  رَضِیَ اللہُ عنہ  کا اسلام لانے کا واقعہ ... جو ابھی ہم نے سُنا، اس میں حِلْمِ مصطفےٰ کی شان دیکھئے! ابوجہل بدبخت جو تھا ہی جاہلوں کا سردار، یہ بکواس کرتا رہا، کرتا رہا، گالیاں بکتا رہا، مگر پیارے  محبوب  صَلَّی اللہُ عَلَیْہِ وَ آلِہٖ وَ سَلَّم  نے جواب میں ایک لفظ بھی ارشاد نہ فرمایا،اِس حِلْم کی برکت یُوں ظاہِر ہوئی کہ حضرت امیر حمزہ  رَضِیَ اللہُ عنہ   کلمہ پڑھ کر مسلمان ہو گئے۔

کوئی گالی سناتا تھا، کوئی پتھر اُٹھاتا تھا                              کوئی توحید پر ہنستا تھا، کوئی منہ چِڑاتا تھا

مگر وہ منبعِ حِلْم و صفا خاموش رہتا تھا                               دُعائے خیر کرتا تھا، جفا وظلم سہتا تھا^([1])

اللہ پاک کی راہ میں تکالیف برداشت کرنا سُنّت ہے

پیارے اسلامی بھائیو! دیکھا آپ نے! ہمارے پیارے پیارے آقا، مکی مَدَنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم  نے اِسلام کی خاطِر کیسی کیسی تکالیف اُٹھائیں! یہ سب کچھ کُھل کر نیکی کی