کے رشتے دار ہیں: (1):آپ رسولِ کریم، رءوف و رحیم  صَلَّی اللہُ عَلَیْہِ وَ آلِہٖ وَ سَلَّم کے چچا جان ہیں(2):حضرتامیرِ حمزہ  رَضِیَ اللہُ عنہ   کی والدہ اُمِّ مصطفےٰ سیدہ آمنہ    رَضِیَ اللہُ عنہا   کی چچا زاد بہن ہیں، یوں حضرتامیرِ حمزہ  رَضِیَ اللہُ عنہ   پیارے نبی، رسولِ ہاشمی  صَلَّی اللہُ عَلَیْہِ وَ آلِہٖ وَ سَلَّم کے خالہ زاد بھائی ہوئے(3):حضرت امیرِ  حمزہ  رَضِیَ اللہُ عنہ  سرورِ عالَم، نورِ  مُجَسَّم  صَلَّی اللہُ عَلَیْہِ وَ آلِہٖ وَ سَلَّم کے رضاعی بھائی بھی ہیں کہ حضرت ثُوَیْبَہ اور حضرت حلیمہ سعدیہ   رَضِیَ اللہُ عنہما  جو رسولِ خُدا، احمدِ مجتبیٰ  صَلَّی اللہُ عَلَیْہِ وَ آلِہٖ وَ سَلَّم کی رضاعی مائیں ہیں، حضرت امیرِ حمزہ  رَضِیَ اللہُ عنہ  نے بھی ان دونوں سے دودھ نوش فرمایا ہے۔ ^([1])

کیا پوچھتے ہو کیا  ہیں حضرت امیرِ حمزہ

حیرت کی انتہا ہیں حضرت امیرِ حمزہ

اللہ رے یہ نسبت، اللہ رے یہ عظمت

سرکار کے چچا ہیں حضرت امیرِ حمزہ

پیارے آقا  صَلَّی اللہُ عَلَیْہِ وَ آلِہٖ وَ سَلَّم  کا پسندیدہ نام

پیارے اسلامی بھائیو! ہمارے آقا و مولیٰ، محمد مصطفےٰ  صَلَّی اللہُ عَلَیْہِ وَ آلِہٖ وَ سَلَّم اپنے چچا جان حضرت امیر حمزہ  رَضِیَ اللہُ عنہ   سے بہت محبّت  فرمایا کرتے تھے، حضرت جابِر  رَضِیَ اللہُ عنہ   فرماتے ہیں: ایک مرتبہ ایک شخص بارگاہِ رسالت میں حاضِر ہوا اور عرض کیا: یارسولَ اللہ  صَلَّی اللہُ عَلَیْہِ وَ آلِہٖ وَ سَلَّم ! ہمارے ہاں بیٹے کی وِلادت ہوئی ہے، اس کا نام کیا رکھیں؟ رسولِ رحمت، شفیعِ اُمّت  صَلَّی اللہُ عَلَیْہِ وَ آلِہٖ وَ سَلَّم نے فرمایا: مجھے اپنے چچا حمزہ بن عبد المطلب کا نام بہت پسند ہے، اپنے بچے کا یہی نام رکھو...! ^([2])