دعوت شروع کرنے کے بعد ہوا۔ لہٰذا جب بھی نیکی کی دعوت دینے کے سبب کوئی تکلیف اُٹھانی پڑ جائے تو مکی مدنی آقا، رسولِ خُدا  صَلَّی اللہُ عَلَیْہِ وَ آلِہٖ وَ سَلَّم  کو راہِ تبلیغِ اِسلام میں پیش آنے والی تکالیف کو یاد کر کے اللہ پاک کا شُکر ادا کیجئے کہ اس نے دین کی خاطر سختیاں جھیلنے والی سُنّت ادا کرنے کی سعادت بخشی۔ اس طرح اِنْ شَآءَ اللہُ الْکَرِیْم! شیطان ناکام ونامراد ہو گا اور صبر کرنا آسان ہو جائے گا۔

یقیناً راہِ خُدا میں تکلیفیں اُٹھانا بھی سُنّت اور ان پر صبر کرنا بھی سُنّت اور باوُجُود سَخْت ترین مشکلات کے نیکی کی دعوت کا سلسلہ جاری رکھنا بھی سُنّت ہے۔^([1])

سنّتیں عام کریں، دین کا ہم کام کریں                          نیک ہو جائیں مسلمان مدینے والے!

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

حضرت امیر ِحمزہ  رَضِیَ اللہُ عنہ   کا مختصر تعارف

پیارے اسلامی بھائیو!حضرت امیرِ حمزہ  رَضِیَ اللہُ عنہ  ہمارے پیارے آقا، مکی مدنی مصطفےٰ  صَلَّی اللہُ عَلَیْہِ وَ آلِہٖ وَ سَلَّم کے پیارے چچا جان ہیں، آپ پیارے نبی، رسولِ ہاشمی  صلی اللہُ عَلَیْہِ وَ آلِہٖ وَسَلَّم  کی وِلادتِ باسعادت سے 2 سال پہلے دُنیا میں تشریف لائے۔ آپ کے 4 مشہور القاب ہیں: (1):اَسَدُ اللّٰہ (اللہ کا شیر) (2):اَسَدُ الرَّسُول (رسولِ پاک  صَلَّی اللہُ عَلَیْہِ وَ آلِہٖ وَ سَلَّم  کا شیر) (3)::فاعِلُ الْخَیْرات (بہت بھلائی کے کام کرنے والا) اور (4):سَیِّدُ الشُّہَدَاء۔ ^([2])

پیارے آقا صَلَّی اللہُ عَلَیْہِ وَ آلِہٖ وَ سَلَّم  سے 3رشتے

حضرت امیرِ  حمزہ  رَضِیَ اللہُ عنہ   کئی جہتوں سے رسولِ اکرم، نورِ  مُجَسَّم  صَلَّی اللہُ عَلَیْہِ وَ آلِہٖ وَ سَلَّم