بہت محنت والا کام کیا کرتے تھے، بعض دفعہ اُن کے مُبارَک کپڑوں سے پسینے کی مَہک آرہی ہوتی تھی، پیارے آقا، مکی مَدَنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  اِس حالت میں بھی اُن کے قریب تشریف فرما ہو جاتے تھے۔ ایک مرتبہ آپ  صَلَّی اللہُ عَلَیْہِ وَ آلِہٖ وَسَلَّم  تشریف لائے، صحابۂ کرام   رَضِیَ اللہُ عنہم  بیٹھے اللہ پاک کا ذِکْر کر رہے تھے، (محنت وغیرہ کی وجہ سے) اُن میں سے بعضوں کے بال بکھرے ہوئے تھے، جلدَیں خُشک ہو چکی تھیں، بعض کے پاس پہننے کے لیے صِرْف ایک کپڑا تھا (اسی سے اپنا سَتْر چھپا کر بیٹھے ہوئے تھے)، پیارے آقا، مکی مَدَنی مصطفےٰ  صَلَّی اللہُ عَلَیْہِ وَ آلِہٖ وَسَلَّم  تشریف لائے، ان کے پاس بیٹھ گئے اور فرمایا: اَلْحَمْدُ لِلهِ الَّذِيْ جَعَلَ فِيْ اُمَّتِيْ مِنْ اَمْرِيْ اَنْ اَصْبِرَ نَفسِيْ مَعَهُمْسب تعریفیں اللہ پاک کے لیے ہیں جس نے میری اُمّت میں ایسے لوگ پیدا فرمائے، جن کے ساتھ اپنی جان مانُوس رکھنے کا مجھے حکم دیا گیا ہے۔^([1])

سُبْحٰنَ اللہ!یہ ہے پیارے نبی، رسولِ ہاشمی  صَلَّی اللہُ عَلَیْہِ وَ آلِہٖ وَسَلَّم  کا مُبارَک اَنداز...!! آپ  صَلَّی اللہُ عَلَیْہِ وَ آلِہٖ وَسَلَّم محنت کشوں کو کتنی عزّت سے نوازا کرتے تھے، اِن کے پاس بیٹھتے، اِن کی دلجوئی فرمایا کرتے اور اِن سے محبّتوں کا اِظہار فرماتے تھے ۔ہمیں  بھی چاہیئے کہ غریب اور جو مزدور  طبقہ ہے، ہم ان کو عزّت دیں، ان کی قدر کریں۔

مزدُور ہونا بُرا نہیں ہے

یہ بات یاد رکھ لیجیے ! غریب ہونا، مَزْدُور، مُلازِم ہونا بُرا نہیں ہے، اس سے شان کم نہیں ہوتی، رِزْقِ حَلال کمانے کے لیے محنت مزدُوری کرنا تو بہت فضیلت کی بات ہے۔ ایک مرتبہ پیارے آقا، مکی مَدَنی  مصطفےٰ  صَلَّی اللہُ عَلَیْہِ وَ آلِہٖ وَ سَلَّم  تشریف فرما تھے، صحابۂ کرام   رَضِیَ اللہُ عنہم  بھی