حاضِر تھے۔ اتنے میں ایک خوبصُورت اور طاقتور نوجوان وہاں سے تیز تیز قدموں سے چلتا ہوا گزرا، اسے دیکھ کر صحابۂ کرام   رَضِیَ اللہُ عنہم  بولے: کاش! یہ اپنی جوانی اللہ پاک کی راہ میں لگا دیتا۔ حُضورِ اکرم، نورِ مُجَسَّم  صَلَّی اللہُ عَلَیْہِ وَ آلِہٖ وَ سَلَّم  نے فرمایا: *اگر یہ اپنے نابالغ بچوں کے لیے کمائی کرنے نکلا ہے فَہُوَ فِیْ سَبِیْلِ اللہِ تو یہ اللہ پاک کے رستے میں ہے * اگر بوڑھے والدین کے لیے روزی کی تلاش میں ہے فَہُوَ فِیْ سَبِیْلِ اللہِ تب بھی یہ اللہ پاک کے رستے میں ہے *اگر خود کو سوال سے بچانے کے لیے نکلا ہے فَہُوَ فِیْ سَبِیْلِ اللہِ تب بھی یہ اللہ پاک کے رستے میں ہے۔^([1])

پتا چلا؛ ضرورت کے مُطَابق محنت مزدوری کرنا، رِزْقِ حلال کمانے کے لیے بھاگ دوڑ کرنا بھی عِبَادت ہے۔

جنّت اور جہنّم کا مکالمہ

ایک حدیثِ پاک میں ہے: جہنّم اور جنّت کے درمیان مُبَاحَثہ ہوا (یعنی آپس میں دونوں نے گفتگو کی)، جہنّم بولی: میں وہ ہوں، جس میں ظالِم اور تکبر کرنے والے لوگ ڈالے جائیں گے، جَنّت نے کہا: میں وہ ہوں جس میں کمزور اور غریب لوگ داخِل کیے جائیں گے۔^([2])

تاج و تخت و حکومت مت دے کثرتِ مال و دولت مت دے

اپنی رِضا کا دے دے مُژدہ     یااللہ!   مِری   جھولی   بھر  دے^([3])

ذِلّت کی جگہ کھڑے ہونا

حضرت ابراہیم بن اَدْھَم   رحمۃُ اللہِ علیہ   فرماتے ہیں : مجھے یہ بات پہنچی ہے کہ جو بندہ رِزْقِ