گا) (1): ایک وہ شخص جو میرے نام پر وعدہ کرے، پھر وعدہ توڑے (2): وہ شخص جو کسی آزاد انسان کو بیچ دے اور پھر اس کی قیمت کھالے (3): وہ شخص جس نے کوئی مزدور اُجرت پر لیا اور پھر اس سے کام تو پورا لیا لیکن اس کی اُجرت اسے نہ دی۔^([1])

اللہُ اکبر...!! اندازہ کیجیے ! روزِ قیامت رَحم کس نے فرمانا ہے؟ اللہ پاک نے۔ بخشش کس نے فرمانی ہے؟ اللہ پاک نے۔ جنّت کس نے عطا فرمانی ہے؟ اللہ پاک نے۔ اگر اللہ پاک ہی جس کے مُقابِل ہو جائے، غور فرمائیے! اس شخص کی بخشش کس طرح ہو سکے گی...؟ اس لیے مزدُور کی اُجْرت بروقت ادا کر دینے کی عادَت بنانی چاہئے۔

اللہ پاک کے عدل کی مثال

اللہ پاک کے نبی ہیں: حضرت موسیٰ علیہ السَّلام ۔ ایک مرتبہ آپ نے بارگاہِ اِلٰہی میں عرض کیا: اے مالِکِ کریم! میں تیرا عدل و انصاف دیکھنا چاہتاہوں۔ فرمایا: اے موسیٰ! آپ دیکھ نہیں پائیں گے۔ عرض کیا: مولیٰ! تُو دِکھانے پر قدرت رکھتا ہے۔ فرمایا: چلیے ! پِھر فُلاں جگہ دریا کے کِنَارے جائیے! اور چُھپ کر ہمارا عَدْل دیکھئے! حضرت موسیٰ علیہ السَّلام  اُس جگہ پہنچ گئے، جھاڑیوں وغیرہ کے پیچھے کہیں چھپ کر بیٹھے اور اِنتظار کرنے لگے۔ اتنے میں وہاں ایک امیر شخص آیا، گھوڑے پر سُوار ہے، ہاتھ میں پیسوں سے بھرا ہوا بیگ (Bag) ہے، وہ دریا کے پاس آ کر رُکا، اپنا پیسوں کا بیگ ایک طرف رکھا، دریا کے پانی سے ہاتھ مُنہ دھویا اور گھوڑے پر سُوار ہو کر روانہ ہو گیا۔ پیسوں کا بیگ جو اس نے ایک طرف رکھا تھا، وہ اُٹھانا بُھول گیا۔ تھوڑی دَیْر گزری، ایک بچہ وہاں آیا، اس نے بیگ دیکھا، اس