Shujaat Naaz Karti Hai Jalalat Naaz Karti Hai

حمد و نعت

ماہنامہ اگست2021ء

منقبت

شُجاعت ناز کرتی ہے جَلالَت ناز کرتی ہے

وہ سُلطانِ زماں ہیں ان پہ شوکت ناز کرتی ہے

شہِ خوباں پہ ہر خوبی و خَصلت ناز کرتی ہے

کریم ایسے ہیں وہ ان پر کرامت ناز کرتی ہے

جہانِ حُسن میں بھی کچھ نرالی شان ہے اُن کی

نبی کے گُل پہ گلزاروں کی زینت ناز کرتی ہے

شہنشاہِ شہیداں ہوانوکھی شان والے ہو

حسین ابنِ علی تم پر شہادت ناز کرتی ہے

بٹھا کر شانۂ اقدس پہ کردی شان دوبالی

نبی کے لاڈلوں پر ہر فضیلت ناز کرتی ہے

نگاہِ ناز سے نقشہ بدل دیتے ہیں عالَم کا

ادائے سَروَرِ خُوباں پہ نُدرت ناز کرتی ہے

خدا کے فضل سے اخترؔ میں ان کا نام لیوا ہوں

میں ہوں قسمت پہ نازاں مجھ پہ قسمت ناز کرتی ہے

از تاج الشّریعہ مفتی اختر رضا خان رحمۃُ اللہِ علیہ

سفینۂ بخشش ، ص73

مشکل الفاظ کے معانی : فِردوس : جنّت۔ مُداوَمَت : ہمیشگی ، استقامت۔ مَحْمُود : قابلِ تعریف ، اچھی۔ مُعاوَنت : حمایت ، امداد۔ شُجاعت : بہادری۔ جَلالَت : بزرگی ، عظمت۔ ناز کرنا : فخر کرنا۔ شوکت : قوت ، شان۔ شہِ خوباں ، سَروَرِ خُوباں : حسینوں کے سردار۔ گُل : پھول۔ شانۂ اقدس : مبارک کندھا۔ دوبالی : دُگنی (Double)۔ عالَم : دنیا۔ نُدرت : عمدگی ، کم یابی۔