اوکړي نو الله پاک به باران نازل کړي او په زمکه به شينکے زرعون کړي او تازه ژوند به عطا کړي او طاقت او اولاد به ورکړي۔ ^([1])

د حضرت نُوح عَلَیْهِ السَّلَام  قوم ته نصيحت

دغه شان د الله پاک نبي حضرت نُوح عَلَیْهِ السَّلَام خپل قوم ته اوفرمائيل:

اِسۡتَغۡفِرُوۡا رَبَّکُمۡ ؕ اِنَّہٗ کَانَ غَفَّارًا (ۙ۱۰) یُّرۡسِلِ السَّمَآءَ عَلَیۡکُمۡ  مِّدۡرَارًا (ۙ۱۱) وَّ یُمۡدِدۡکُمۡ  بِاَمۡوَالٍ وَّ بَنِیۡنَ وَ یَجۡعَلۡ لَّکُمۡ  جَنّٰتٍ وَّ یَجۡعَلۡ لَّکُمۡ  اَنۡہٰرًا (ؕ۱۲)  (پارہ: 29، سورۂ نوح: 10 -11-12)

ترجَمۀ کنزُ العرفان: د خپل رَبّ نه معافي اوغواړئ بے شکه هغه ډير معاف کوونکے دے۔ هغه به په تاسو باندې تيز باران اوروي۔ او د مالونو او ځامنو په ذريعه به ستاسو مدد اوکړي او ستاسو د پاره به باغونه جوړ کړي او ستاسو د پاره به نهرونه جوړ کړي۔

خوږو او محترمو اسلامي ورونړو! دا د 3 انبيائے کرامو عَلَیْهِم السَّلَام ارشادات دي کوم چې الله پاک په قرآنِ کريم کښې ذِکر کړل * رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم ته حکم اوشو چې اے محبوبه صَلَّى اللهُ عَلَيْهِ وَاٰلِهٖ وَسَلَّم ! خلقو ته اووائيئ! اِستِغفار اوکړئ، توبه کړئ، د دې په برکت به الله پاک رزق فراخه کړي * حضرت هُود عَلَیْهِ السَّلَام  خپل قوم ته اوفرمائيل: اِستِغفار اوکړئ! الله پاک به قحط لرې کړي، رزق به فراخه کړي * دغه شان حضرت نُوح عَلَیْهِ السَّلَام  خپل قوم ته هم دا اوفرمائيل: اِستِغفار اوکړئ! الله پاک به قحط لرې کړي او تاسو له به رزق، مال او اولاد درکړي۔