یعنی سنہری جالیوں کے اَندرونی حصے  کی خاک مُبارَک رکھی گئی اور مختلف تَبَرُکات ڈالے  گئے  ۔  پھر کفن شریف باندھا گیا ۔  عصر کی نماز کے بعد دُرُود و سلام اور قصیدۂ بُردہ شریف کی گونج میں جنازۂ مبارَکہ اٹھایا گیا۔

عاشق کا جنازہ ہے  ذرا دھوم سے  نکلے                              محبوب  کی گلیوں میں ذرا گھوم کے  نکلے

آخر بےشُمار سوگواروں کی موجودگی میں بقیعِ پاک میں شہزادئ کَونَین سَیِّدَہ فاطمۃُ الزَّہرا رَضِیَ اللہُ عنہا   کے مزارِ پاک سے صِرْف 2گز کے فاصلے پر دَفن کر دیا گیا۔  اللہ پاک کی اُن پر رحمت ہو اور ان کے صدقے ہماری بےحساب مغفرت ہو۔^([1])

عشق کا پیکر شَرع کا پاسباں جاتا رہا                                                       منزلِ مَقْصُود کا روشن نشاں جاتا رہا

روتے ہیں چھوٹے بڑے، ان کا دُعا گو چل بسا               اہلِ سنّت کا کفیل اور پاسباں جاتا رہا

وہ رہا تو برکتیں ہی برکتیں تھیں بزم میں                                     وہ گیا تو برکتوں کا اِک جہاں جاتا رہا

گھس نہ آئے کارواں میں اِختلاف و اِنتشار                     ہو الٰہی خیر، میرِ کارواں جاتا رہا

وہ کہ جو اوروں کے غم میں دل سے ہوتا تھا شریک   وہ کہ جس کی تھی بہت میٹھی زباں جاتا رہا

وہ نبی کا تھا چہیتا، غوث کا تھا لاڈلا                                                              اپنے پیر و مرشد کا دُلارا، مدح خواں جاتا رہا

ہائے وہ کیسا ہمارے سر سے سایہ اُٹھ گیا                     جس کے اُٹھ جانے سے سب آرامِ جاں  جاتا رہا^([2])

اللہ پاک ہمیں سیدی قطبِ مدینہ کی سیرت اور اخلاق سے روشنی لینے کی توفیق بخشے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد