Book Name:Imam Hussain Ke 5 Ausaf
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف (ترجمہ: میں نے سُنَّت اعتکاف کی نِیَّت کی)
آئیے! سُلطانِ کربلا، سیّدُ الشہداء، امامِ عالی مقام، امام حُسَیْن رَضِیَ اللہ عنہ سے مَرْوِی دو حدیثیں سنتے ہیں:(1): امام حُسَیْن رَضِیَ اللہ عنہ فرماتے ہیں: میرے نانا جان، سلطانِ دوجہان صَلَّی اللہ عَلَیْہِ وَ آلِہٖ وَ سَلَّم نے فرمایا: جس کے سامنے میرا ذِکْر ہوا، پِھر اس نے درودِ پاک نہ پڑھا، بیشک وہ جنّت کا رستہ بُھول گیا([1])(2):امامِ حُسَیْن رَضِیَ اللہ عنہ سے ہی روایت ہے، دوجہاں کے تاجدار، مکی مَدَنی سرکار صَلَّی اللہ عَلَیْہِ وَ آلِہٖ وَ سَلَّم نے فرمایا: کنجوس ہے وہ شخص جس کے پاس میرا ذِکْر ہوا، پِھر اس نے مجھ پر درود نہ پڑھا۔([2])
پڑھتا رہوں کثرت سے درود اُن پہ سَدا میں اور ذِکْر کا بھی شوق پئے غوث و رضا دے([3])
اللہ پاک ہمیں کَثْرت سے درودِ پاک پڑھنے کی توفیق نصیب فرمائے، امامِ عالی مقام، امام حُسَین رَضِیَ اللہ عنہ بھی درودِ پاک کی کثرت فرمایا کرتے تھے، آپ کی ظاہِری زندگی کی بالکل آخری رات جو آپ نے کربلا میں گزاری، یہ رات آپ نے عِبَادت کرتے ہوئے گزاری