* ڪڏهن ڪنهن سلام جو جواب نه ڏنو ته غلط فهمي ٿي وئي، * ڪڏهن ڪنهن توجهه سان ڳالهه نه ٻڌي ته غلط فهمي ٿي وئي، * ڪڏهن ڪنهن حال احوال نه پڇيو ته غلط فهمي ٿي وئي، * ڪڏهن ڪنهن بي رخي واري انداز ۾ ڳالهه ڪئي ته غلط فهمي ٿي وئي، * ڪڏهن ڪنهن ڪال نه کنئي ته غلط فهمي ٿي وئي، * ڪڏهن ڪنهن جي گهر وياسين، ان پاڻي نه پڇيو ته غلط فهمي ٿي وئي، * ڪڏهن ڪنهن دعوت تي نه سڏيو ته غلط فهمي ٿي وئي، * عام طور تي جنهن جي نئين نئين شادي ٿي ۽ هو ڪجهه ڏينهن تائين نظر نه آيو ته غلط فهمي ٿي وئي ته شادي کان بعد بدلجي ويو آهي، * ڪنهن جي نوڪري لڳي، چار پئسا اچي ويا ته غلط فهمي ٿي ويندي آهي ته پئسو اچي ويو، هاڻي بدلجي ويو آهي. ايئن غلط فهميون ٿينديون رهنديون آهن.

اسان وٽ ڇا ٿيندو آهي؛ اسان انهن غلط فهمين کي نپائيندا آهيون، هي ڄڻ شيطان کي هڪ موقعو هٿ اچي ويندو آهي، هڪ غلط فهمي ٿي ته سوچڻ لڳندا آهيون؛ ها! هن فلاڻي وقت به مون سان ايئن ڪيو هو، فلاڻي وقت به ائين ٿيو هو، وغيره وغيره هن هڪ معمولي غلط فهمي کي سوچي سوچي اسان تمام وڏو بڻائي ڇڏيندا آهيون بلڪه حالتون ته اهڙيون آهن جو ٿوري غلط فهمي ٿي وڃي ته گناهن جو دروازو کلي وڃي ٿو.

* ڪڏهن هِن کي ٻڌائي ڪري، * ڪڏهن هُن کي ٻڌائي ڪري، هيڏانهن هوڏانهن ويهي غيبتون ڪيون وينديون آهن، مثال طور ڏٺو: فلاڻو اهڙو آهي، هن مون سان هيئن ڪيو، فلاڻو بدلجي ويو آهي، فلاڻو تمام بي وفا نڪتو آهي، وغيره وغيره.

هي تمام غلط انداز آهي، صحابه ڪرام رَضِىَ اللهُ عَنْهم جو مبارڪ انداز ڏسو! معمولي غلط فهمي ٿي، لڳو ته عثمان غني رَضِىَ اللهُ عَنْهُ ڪنهن سبب سلام جو