عاشقِ رسول کو پہچاننے کا نرالا انداز

مکہ مکرمہ میں مالکی فقہ کے ایک عظیم مفتی تھے؛علامہ شیخ سیّد محمد عَلْوِی مَالکی رَحمۃُ اللہِ عَلَیْہ، آپ رَحمۃُ اللہِ عَلَیْہفرماتے ہیں:مولانا احمد رضا خان بریلوی سے محبّت سُنّیت کی علامت ہے اور ان سے بُغض و عَداوت بِدعت کی علامت ہے۔^([1])

حضرت علامہ قادر بخش سَہْسَرامی رَحمۃُ اللہِ عَلَیْہ بہت بڑے عالِمِ دِین ہوئے ہیں، ایک مرتبہ آپ سے  لوگوں نے پوچھا کہ ہمیں عاشقِ رسول سُنی اور بدمذہب کی پہچان کا کوئی سَادہ سَاقاعدہ بتا دیجئے! آپ رَحمۃُ اللہِ عَلَیْہ  نے فرمایا: جس بندے کے بارے میں یہ جاننا ہو کہ بد مذہب ہے یا عاشقِ رسول  ہےتو اُس کے سامنے مولانا احمد رضا خان صاحب کا ذِکر شروع کر دیجئے! اگر چہرہ کِھل اُٹھے تو یقین جانیے کہ عاشقِ رسول سُنی ہے  اور اگر چہرہ اتر جائے تو سمجھ لیجئے کہ بد مذہب ہے۔^([2])

جلوہ ہے نور ہے کہ سراپا رضا کا ہے                     تصویرِ سُنّیت ہے کہ چہرہ رضا کا ہے

اس دورِ پُرفتن میں نظؔر خوش عقیدگی                              سرکار کا کَرم ہے وسیلہ رضا کا ہے

وضاحت:حضور اعلیٰ حضرت رَحمۃُ اللہِ عَلَیْہ  کا جسمِ مُبارَک  اللہ پاک کے اَنْوَار و تَجلیات مَظْہر  اور آپ کا چہرہ مُبارَکہ سُنّیت کی پہچان ہے، اللہ پاک کے کرم سے اگر آج ہمیں اچھا عقیدہ حاصل ہے تو یہ پیارے آقا صَلَّی اللہُ عَلَیْہِ وَ آلِہٖ وَ سَلَّم کے کرم سے اور  اعلیٰ حضرت رَحمۃُ اللہِ عَلَیْہ  کے وسیلہ سے حاصل ہے۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد