اَلغَرض وہ تھے صفاتِ عالیہ سے مُتَّصِف   اُن کا ہر سیرت نگار اِس کا رہا ہے مُعْتَرِف

اصل میں وہ تھے تَصَوُّف اور طریقت کے امیں                                               پھر نہ کیوں ہو اُن کی ہستی قابلِِ صد آفریں

تھا نہ تھوڑا بھی تَضاد اقوال اور افعال میں        سنتِ نبوی کی کرتے پیروی ہر حال میں

سیدھے ہاتھ سے لَین دین کی عادت بنائیے!

پیارے اسلامی بھائیو! ہمیں بھی چاہئے کہ کچھ بھی لینا ہو، دینا ہو، کوئی بھی عزّت والا کام ہو، سیدھے ہاتھ ہی سے کرنے کی عادَت بنائیں۔ * حضرتِ ابوہُریرہ رَضِیَ اللہ عنہ فرماتے ہیں:نبی کریم صَلَّی اللہ عَلَیْہِ وَ آلِہٖ وَ سَلَّم نے اِرشاد فرمایا: تم میں سے ہر ایک سِیدھے ہاتھ سے کھائے اور سِیدھے ہاتھ سےپئے اور سِیدھے ہاتھ سے لے اور سیدھے ہاتھ سے دے کیونکہ شیطان اُلٹے ہاتھ سے کھاتا اوراُلٹے ہاتھ سے پیتا اُلٹے ہاتھ سے دیتا اور اُلٹے ہاتھ سے لیتا ہے۔^([1]) * مسلمانوں کی امّی جان حضرت عائشہ صدیقہ رَضِیَ اللہ عنہا فرماتی ہیں کہ آپ صَلَّی اللہ عَلَیْہِ وَ آلِہٖ وَ سَلَّم دائیں جانب سے وُضُو کرنا پسند فرماتے اور اِسی طرح کنگھا بھی سیدھی طرف سے ہی کرتے یہاں تک کہ نعلین شریفین بھی جب پہننے کا ارادہ فرماتے تو پہلے سیدھا قد م مُحْتَرم نَعل شریف میں داخل فرماتے۔^([2])

صرف یہ 3  کام ہی نہیں بلکہ جتنے بھی عزت و تکریم والے کام ہیں آپ صَلَّی اللہ عَلَیْہِ وَ آلِہٖ وَ سَلَّم سیدھی جانب سے ہی شروع کرنا پسند فرماتے۔ لہٰذا * لباس پہننا * مَسجِد میں داخل ہونا * سر اور مونچھ وغیرہ کے بال تراشنا * مِسْواک کرنا * نَاخُن کاٹنا * آنکھوں میں سُرمہ ڈالنا * کسی کوکوئی چیز دینا یاکسی سے لینا * کھانا پینا وغیرہ وغیرہ کام سیدھے ہاتھ سے