وٺندا،^[1] هر زبان سندن تعريف ۾ مصروف ٿي ويندي.^[2]

  سُبْحٰنَ اللہ! پيارا اسلامي ڀائرو! هي شفاعتِ ڪُبريٰ  آهي، جنهن جو دروازو رسولِ اڪرم، نورِ مُجسم صَلَّى اللّٰهُ عَلَيۡهِ واٰلِهٖ وَسَلَّم کولرائيندا، پوءِ ان کان بعد سندن صدقي ۾ سڀئي نبي، ولي، غوث، قُطب، ابدال، ايستائين جو عُلماءِ ڪرام، حافظ سڳورا، حاجي وغيره سڀ شَفاعت ڪندا.

شَفاعت جي باري ۾ مبارڪ حديثون

  سُبْحٰنَ اللہ! اسان جا آقا صَلَّى اللّٰهُ عَلَيۡهِ واٰلِهٖ وَسَلَّم قيامت جي ڏينهن اسان جي شَفاعت فرمائيندا، اِنْ شَآءَ اللہُ الْکَرِیْم! اچو! ڪجھ مبارڪ حديثون ٻڌون ٿا: پياري نبي، سهڻي نبي، سچي نبي، رسولِ هاشمي صَلَّى اللّٰهُ عَلَيۡهِ واٰلِهٖ وَسَلَّم جن فرمايو: مونکي اختيار ڏنو ويو ته اي محبوب صَلَّى اللّٰهُ عَلَيۡهِ واٰلِهٖ وَسَلَّم 2 ڳالهيون آهن: (1): هڪ هيءَ ته اوهان جي اڌ اُمت کي جنّت عطا ڪئي وڃي ٿي (2): ٻئي هيءَ ته شفاعت جي اجازت عطا ڪئي وڃي ٿي، ٻنهي مان هڪ اختيار فرمايو! نبي پاڪ صَلَّى اللّٰهُ عَلَيۡهِ واٰلِهٖ وَسَلَّم فرمائن ٿا: فَاخْتَرْتُ ‌الشَّفَاعَةَ، ‌لِاَ نَّهَا أَعَمُّ وَ اَکْفَیٰ مون شفاعت کي اختيار ڪري ورتو ڇو ته هن ۾ گنجائش وڌيڪ آهي^[3] (يعني شفاعت جي ذريعي مان اڌ نه بلڪه سڄي امت کي بخشرائي وٺندُس) پياري نبي، مُحمدِ عربي صَلَّى اللّٰهُ عَلَيۡهِ واٰلِهٖ وَسَلَّم جن فرمايو: شَفَاعَتِيْ ‌لِلْهَالِكِيْنَ مِنْ اُمَّتِيْ منهنجي شفاعت منهنجي اُمت جي انهن ماڻهن جي لاءِ آهي جن کي گناھن