ملائڪَ آهيون ۽ ملائڪَ الله پاڪ جي نافرماني ناهن ڪندا، جيڪو حڪم هجي، اهو پورو ڪندا آهيون، هي ٻڌي ڪري اُمت جا غمخوار نبي صَلَّى اللّٰهُ عَلَيۡهِ واٰلِهٖ وَسَلَّم پنهنجي ڏاڙهي پڪڙيندا ۽ عرشِ الٰهي ڏانهن رخ ڪري عرض ڪندا: اي منهنجا ڪريم ربَّ! ڇا مون سان واعدو (Promise) نه هو ته اُمّت جي معاملي ۾ مونکي غمگين نه ڪيو ويندو...؟ هاڻي ملائڪن کي حڪم ڏنو ويندو: مُحمد صَلَّى اللّٰهُ عَلَيۡهِ واٰلِهٖ وَسَلَّم جي فرمانبرداري ڪيو!

   هي حڪم ملندي ئي ڇا ٿيندو؟ اعليٰ حضرت، امام اهلسنت رحمةُ اللهِ عَلَيْه لکن ٿا:

چھوڑ کر مجھ کو فرشتے کہیں مَحْکُوم ہیں ہم                                           حکمِ والا کی نہ تعمیل ہو زُہْرَہ کیا ہے^([1])

يعني ملائڪَ ان مُجرم کي ڇڏي ڪري عرض ڪندا:

    يارسولَ الله صَلَّى اللّٰهُ عَلَيۡهِ واٰلِهٖ وَسَلَّم! اسان اوهان جا غلام آهيون، اسان جي ڪهڙي مجال جو اوهان جي حڪم تي عمل نه ڪيون.

   هاڻي مصطفيٰ جانِ رحمت، شمعِ بزمِ هدايت صَلَّى اللّٰهُ عَلَيۡهِ واٰلِهٖ وَسَلَّم جي حڪم سان ان ٻانهي کي ٻيهر ميزانِ عمل تي آندو ويندو، ان جا اعمال توريا ويندا، شفاعت فرمائڻ وارا آقا، اُمت کي بخشرائڻ وارا آقا صَلَّى اللّٰهُ عَلَيۡهِ واٰلِهٖ وَسَلَّم فرمائن ٿا: مان پنهنجي کيسي (Pocket) مان آڱر جي ڳنڍ برابر اَڇو ڪاغذ (White paper)ڪڍندُس ۽ بِسمِ الله پڙهي ڪري نيڪين واري پُڙ ۾ رکي ڇڏيندُس، ان جي برڪت سان ان شخص جي نيڪين جو پُڙ وزني ٿي ويندو.

مَحشر میں گنہگار کا پَلَّہ ہُوا بھاری                                                                        پَلّہ پر جو وہ قربِ ترازو نظر آیا