پیارے آقا، مَحْبُوبِ خُدا صَلَّی اللہُ عَلَیْہِ وَ آلِہٖ وَ سَلَّم کے زبان مُبارَک سے نکلے ہوئے  پیارے پیارے بابرکت الفاظ *اور  آپ صَلَّی اللہُ عَلَیْہِ وَ آلِہٖ وَ سَلَّم کے  پیارے پیارے افعال کو حدیث کہتے ہیں *یونہی وہ کام جو آپ کی موجودگی میں ہوا  مگر آپ نے اس سے منع نہ فرمایا اسے حدیثِ تقریری کہا جاتا ہے۔^([1])

اعلیٰ حضرت اِمامِ اہلسنّت اِمام احمد رضا خان رَحمۃُ اللہِ عَلَیْہ لکھتے ہیں: *جو شخص حدیث پاک کا مُنْکِر ہے وہ نبی صَلَّی اللہُ عَلَیْہِ وَ آلِہٖ وَ سَلَّم کا مُنْکِر ہے*جو نبی صَلَّی اللہُ عَلَیْہِ وَ آلِہٖ وَ سَلَّم کا مُنْکِر ہے وہ قرآن ِکریم کا مُنْکِر ہے *جو قرآنِ کریم کا مُنْکِر ہے وہ اللہ پاک کا مُنْکِر ہے *جو اللہ پاک کا مُنْکِر ہے وہ صَرِیْح مُرْتَد و کافِر ہے۔^([2])

علامہ محمد بن حسین رَحمۃُ اللہِ عَلَیْہفرماتے ہیں :جتنے بھی قرآنی احکام ہیں وہ حدیثِ  پاک  کے بغیر سمجھ نہیں آسکتے۔^([3])مثلاً *قرآنِ کریم میں  نماز پڑھنے کا حکم موجود ہے لیکن *پڑھنی کیسے ہے؟*اس کی شرائط کتنی ہیں؟*فرائض کیا ہیں؟*واجبات کون کون سے ہیں؟*ارکان کی ادائیگی کیسے کرنی ہے؟*کس رکن میں کیا پڑھنا ہے؟اس سب کی تفصیل  ہمیں پیارے آقا صَلَّی اللہُ عَلَیْہِ وَ آلِہٖ وَ سَلَّم کی احادیث مبارکہ ہی سے ملتی ہے ۔ *یونہی قرآنِ کریم میں زکوٰۃ دینے کا حکم دیا گیا ہے مگر *کتنی دینی ہے؟*کب دینی  ہے؟اس سب کی تفصیل ہمیں احادیث مبارکہ  سے ملتی ہے   ۔مزید فرماتے ہیں:جو کہے میں  قرآن کریم کو حدیث مبارکہ کے بغیر سمجھ لوں وہ  مُلْحِد(یعنی بے دین) ہے۔^([4])