بیتِ پاک رَضِیَ اللہُ عنہم سے بےپناہ محبّت کرتے رہیں، ان سب کے بااَدَب اور باوَفَا رہیں۔

جینا مرنا اُن کی اُلفت میں ہو یارَبّ اور ہو      قُرب جنّت میں عطا اَصْحاب و اَہْلِ بیت کا

حشر میں مجھ کو شفاعت کی عطا خیرات ہو      واسطہ یا مصطفےٰ! اَصْحاب و اَہْلِ بیت کا

دے گُنَاہوں سے نجات اور مُتّقی مجھ کو بنا                  یااِلٰہی! واسطہ اَصْحاب و اَہْلِ بیت کا^([1])

اللہ پاک ہمیں محبّتِ صِدِّیق میں جینا، محبّتِ صِدِّیق میں مرنا، اسی محبّت کے ساتھ روزِ قیامت اُٹھنا نصیب فرمائے۔ اللہ کرے کہ تمام صحابہ اور سارے ہی اہلِ بیت پاک کا اَدَب ساری زندگی نصیب رہے، کبھی بھی کسی بھی صحابی، کسی سید زادے، کسی ولیُّ اللہ کی بےادبی ہم سے سرزد نہ ہو۔

کیوں نہ ہو رُتبہ بڑا اصحاب و اہل بیت کا              ہے خدائے مصطفےٰ اصحاب و اہل بیت کا

آل و اصحابِ نبی سب بادشہ ہیں بادشاہ         میں فقط ادنیٰ گدا اصحاب و اہل بیت کا

فضلِ ربّ سے دو جہاں میں کامیابی پائے گا                   دل سے جو شیدا ہوا اصحاب و اہل بیت کا^([2])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام: تفسیر سننے سنانے کا حلقہ

اے عاشقانِ رسول! دِل میں عشقِ رسول بڑھانے، صحابہ و اہل بیت کی محبّت دلوں میں بھرنے، سچے عقائد سیکھنے کیلئے عاشقانِ رسول کی دینی تحریک دعوتِ اسلامی کے دینی ماحول سے وابستہ (Linkup) ہو جائیے! 12 دینی کاموں میں بھی خوب بڑھ چڑھ کر حِصَّہ لیجئے! اِنْ شَآءَ اللہُ الْکَرِیْم ! دِین و دُنیا کی بےشُمار برکتیں ملیں گی۔ 12 دینی کاموں میں سے