Book Name:Siddique e Akbar Ki Jan Nisariyan
بھی کرتے ہیں اور ان کی شان میں لکھے ہوئے اَشعار سُن کرخوشی کا اظہار بھی فرماتے ہیں۔
بَیاں ہو کس زَباں سے مرتَبہ صدیقِ اکبر کا ہے یارِ غار، محبوبِ خدا صدیقِ اکبر کا
رُسُل اور اَنبیاکے بعد جو اَفضل ہو عالَم سے یہ عالَم میں ہے کس کا مرتَبہ، صدیقِ اکبر کا([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
صِدِّیقِ اکبر رَضِیَ اللہُ عنہ کا مختصر تعارُف
پیارے اسلامی بھائیو!*حضرت صِدِّیق ِ اکبررَضِیَ اللہُ عنہ بہت بلند رُتبہ صحابی ہیں اور مسلمانوں کے پہلے خلیفہ ہیں*آپ کا نامِ پاک: عَبْدُ اللہ۔ کنیت: اَبُوبَکْر اور صِدِّیق و عَتِیق آپ کے مشہور لقب ہیں*حضرت صِدِّیقِ اکبر رَضِیَ اللہُ عنہ وہ بلند رُتبہ ہستی ہیں، جن کے فضائل میں کئی قرآنی آیات نازِل ہوئیں*آپ وہ ذیشان ہیں جنہیں قرآنِ کریم نے اَتْقٰی (یعنی اُمّت میں سب سے بڑا متقی) فرمایا*آپ کو اُوْلُو الْفَضْل(یعنی فضیلت والا)فرمایا گیا*آپ کو قرآنِ کریم نےتصدیق کرنے والا فرمایا*آپ کومُتَوَکِّل(یعنی اللہ پاک پر بھروسہ رکھنے والا) فرمایا گیا*آپ کو خائِفِ کبریا (یعنی اللہ پاک کا بہت خوف رکھنے والا) فرمایا گیا*آپ کو قرآنِ کریم میں صَالِحُ الْمُؤْمِنِیْن(یعنی نیک ایمان والا) فرمایا گیا*آپ کو دِین پر ثابِت قدم رہنے والا فرمایا گیا *قرآنِ کریم میں آپ کے یہ اَوْصاف بیان ہوئے* آپ اللہ پاک سے محبّت کرنے والے ہیں،اللہ پاک آپ سے محبّت فرماتا ہے*آپ مؤمنوں پر رحم دِل ہیں *دشمنانِ اسلام پر شِدّت کرنے والے ہیں*راہِ خُدا میں سر دھڑ کی بازی لگا دینے والے ہیں*دِین کے معاملے میں کسی ملامت کرنے والے کی ملامت کا خوف نہیں رکھتے*حضرت صِدِّیقِ اکبر رَضِیَ اللہُ عنہ وہ ذیشان ہیں، جن کے متعلق ارشاد ہوا کہ اللہ پاک نے ان کا دِل پرہیزگاری