ایک کتاب ایک رات میں پڑھ لی

  اعلیٰ حضرت امام احمد رضاخان  رحمۃُ اللہِ علیہ  کے شوقِ مُطَالعَہ  اور ذہانت کا بچپن ہی میں یہ عالم تھا کہ اُستاذسے کبھی چوتھائی کتاب سے زیادہ نہیں پڑھی بلکہ چوتھائی کتاب استاذ سے پڑھنے کے بعد بقیہ تمام کتاب کا خود مُطَالعَہ  کرتے اور یاد کر کے سنا دیا کرتے تھے۔ اسی طرح دو جلدوں پر مشتمل اَلْعَقُوْدُ الدَّرِیَّہجیسی ضخیم کتاب فقط ایک رات میں مُطَالعَہ  فرمالی۔^([1])

امیر اہلسنت کا شوقِ مُطَالعَہ

اَلحمدُ لِلّٰہ! آج کے دور میں یادگارِ اَسْلاف  اور عِلْم دوست شخصیت یعنی شیخِ طریقت، امیر اہلسنت مولانا الیاس عطّار قادری  دَامَتْ بَرَکاتُہمُ العالیہ  کی بھی دِینی کتابوں سے خوب دوستی ہے۔ آپ نے اپنے گھر میں کتاب گھر (یعنی کتب خانہ) بھی بنایا۔ جس کی کتابوں میں رفتہ رفتہ اِضافہ ہوتا گیا اور آج علمِ قرآن وحدیث، عقائد، فقہ اور تصوف کے درجنوں موضوعات پر سینکڑوں کتب ورسائل آپ کے کتاب گھر کی زینت ہیں جن میں ترجمۂ کنزالایمان مع تفسیر خزائن العرفان، فتاوٰ ی رضویہ شریف،بہارِ شریعت اور اِحیاء العلوم سرِفہرست ہیں۔^([2])

امیرِ اہلسنّت  دَامَتْ بَرَکاتُہمُ العالیہ  کے شوقِ مُطَالعَہ  کا یہ عالَم ہے کہ آپ اس قدر ڈوب کر مُطَالعَہ  فرماتے ہیں کہ بارہا ایسا ہوا کہ کتاب گھر کے اسلامی بھائیوں میں سے کوئی اسلامی بھائی کسی مسئلے کے حل کے لیے آپ کی خدمت میں حاضر ہوئے لیکن مطالعے میں مصروف ہونے کی بناء پر آپ کو اس کی آمد کی خبر نہ ہوئی اور کچھ دیر بعد اتفاقاً نگاہ اٹھائی تو اس اسلامی بھائی نے اپنا مسئلہ عرض کیا۔ ^([3])