Book Name:Deeni Kitab Padha Kijiye
میں گزار دیتا ہوں۔
جو نورِ عملی چاہیے تو کیجیے مُطَالعَہ ہاں معرفت بھی چاہیے تو کیجیے مُطَالعَہ
خزینۂ کتب سے ہو حُصُولِ علم کس طرح؟ یہ جانکاری چاہیے تو کیجیے مُطَالعَہ
بھلے بُرے میں فرق اور کام کا سلیقہ بھی یہ نکتہ سنجی چاہیے تو کیجیے مُطَالعَہ
مماثل تلاوتِ قرآن کوئی شے نہیں نِجات ابدی چاہیے تو کیجیے مُطَالعَہ([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
ایک اَور نیک بزرگ کا ارشادِ پاک سنیئے! بہت بڑے وَلِیُّ اللہ ہوئے ہیں، شیخ محی الدِّین اِبْنِ عربی رحمۃُ اللہِ علیہ ۔ آپ فرماتے ہیں: ایک مرتبہ میں کسی بزرگ کی خِدْمت میں حاضِر ہوا، کیا دیکھتا ہوں کہ ان کے اردگرد کتابوں کا اَنْبار لگا ہوا ہے اور وہ ان کتابوں کو پڑھنے میں مَصْرُوف ہیں۔ انہوں نے اپنی اس مصروفیت کا راز بتاتے ہوئے فرمایا: * جب میرا دِل کرتا ہے کہ اللہ پاک سے باتیں کروں تو قرآنِ کریم کی تِلاوت شروع کر دیتا ہوں *جب دِل کرتا ہے کہ پیارے مَحْبُوب صَلَّی اللہُ عَلَیْہِ وَ آلِہٖ وَسَلَّم کے ساتھ ہمکلامی کا شرف پاؤں تو اَحادِیثِ کریمہ پڑھنا شروع کر دیتا ہوں*اسی طرح جب نیک لوگوں کے ساتھ باتیں کرنے کا دِل چاہتا ہے تو ان کی کتابیں پڑھنا شروع کر دیتا ہوں۔ اَلحمدُ لِلّٰہ! میں ان کتابوں کے ساتھ زندگی گزارتا ہوں، جو میری غیبت نہیں کرتیں، نہ میری باتیں کسی کو بتاتی ہیں۔([2])
بزرگوں کے ہیں کارنامے ماضی میں کیا بھلا؟ یہ آگہی چاہیے تو کیجیے مُطَالعَہ