بھی یہ شوق نصیب ہو جائے۔ مولانا حَسَن رضا خان صاحِب  رحمۃُ اللہِ علیہ  لکھتے ہیں نا؛

دِل میں ہو یاد تری گوشۂ تنہائی ہو                                                         پِھر تو خلوت میں عجب انجمن آرائی ہو^([1])

کاش! یہ انداز ہو جائے، ہم بھی تنہائی پسند ہو جائیں، زیادہ نہیں تو کچھ نہ کچھ وقت تو نکالا کریں، بس ہم ہوں، تنہائی ہو اور دِینی کتابیں ہوں* کبھی قرآنِ کریم اور اس کی تفسیر پڑھیں*کبھی احادیثِ کریمہ اور ان کی شرح پڑھ کر دِل میں فرامینِ مصطفےٰ  صَلَّی اللہُ عَلَیْہِ وَ آلِہٖ وَسَلَّم کا نُور اُتاریں*عُلَمائے کرام، اَوْلیائے کرام کے ارشادات دِل میں اُتاریں، اِنْ شَآءَ اللہُ الْکَرِیْم! دِل روشن روشن چمکدار ہو جائے گا اور اللہ پاک نے چاہا تو اس نیک صحبت کی برکت سے دُنیا بھی سنور جائے گی، آخرت بھی سنور جائے گی۔

نظر بھی ہو وسیع تر دماغ بھی ہو تیز تر                                            یہ حسن و خوبی چاہیے تو کیجیے مُطَالعَہ

جو فضل ربّبھی ساتھ ہو ضرر نہیں ثناؔ ذرا                             رضائے ربّی چاہیے تو کیجیے مُطَالعَہ ^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

بےفائدہ چیزیں پڑھنا کیسا...؟

ایک غیر مُسلم تھا: نَضَر بن حَارِث۔ مکہ مکرّمہ کا رہنے والا تھا۔ ایک مرتبہ یہ تِجارت کے لیے مُلْکِ شام (Syria)وغیرہ گیا تو وہاں سے کہانیوں کی کتابیں لے آیا۔ مکہ مکرّمہ آ کر لوگوں کو وہ قصّے کہانیاں (Stories) سُنانے لگا اور یہ بَدبَخت کہا کرتا تھا: مُحَمَّد ( صَلَّی اللہُ عَلَیْہِ وَ آلِہٖ وَ سَلَّم ) بھی تمہیں (قومِ)عَاد اور (قومِ)ثَمُود کے واقعات سُناتے ہیں تو میں تمہیں رُسْتم، اِسْفَنْدیار(وغیرہ ایران کے بادشاہوں) کے قصّے سُناتا ہوں۔