Kis Se Faryad Karen

ماہنامہ ستمبر 2021

منقبت امام احمد رضا خان رحمۃُ اللہِ علیہ

کس سے فریاد کریں پیارے رضا تیرے بعد

کون پُرساں ہے غریبوں کا بھلا تیرے بعد

شام ہوتی ہے سَحَر ہوتی ہے لیکن مولا

زندگی کا نہ رہا کوئی مزہ تیرے بعد

تُو نے ہم جیسے گنواروں کو نوازا ایسا

خَلق اَنگُشت بدنداں ہے شہا تیرے بعد

اہلِ سنت پہ وہ احسان کیے ہیں تُونے

کوئی جَچْتا ہی نہ مُحسن ہے سوا تیرے بعد

لاڈلے غوث کے! فریاد ہماری سُن لے

ایک ہنگامۂ مَحْشر ہے بپا تیرے بعد

میں بھکاری ہوں ترا ، اے مرے غیرت والے

مانگتے غیر سے آتی ہے حیا تیرے بعد

آلِ سادات کے اے ناز اٹھانے والے

کیوں پریشان ہے ایّوبؔ ترا تیرے بعد

از مولانا سید ایوب علی رضوی رحمۃُ اللہِ علیہ

شمائمِ بخشش ، ص37

مشکل الفاظ کے معانی : سگانِ طیبہ : مدینۂ منورہ کے کتّے۔ پیشِ خدا : اللہ پاک کے سامنے۔ لطفِ تام : کامل لطف و کرم۔ حق : اللہ پاک۔ کلیم : حضرت سیّدُنا موسیٰ علیہ السّلام ۔ پُرساں : مددگار۔ گنواروں : گنوار کی جمع ، نادان۔ خلق : مخلوق۔ اَنگُشت بدنداں ہے : دانتوں میں انگلی دیے ہوئے ہےیعنی حیرت زدہ ہے۔ جَچْتا : پسند آتا۔ آلِ سادات : سیّدوں کی اولاد۔