د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه په تفسير نُورُ العرفان کښې د دې آيت لاندې ليکي: د دې نه معلومه شوه چې په دُنيا کښې څوک صالِح (مثلاً په جامعو شرطونو باندې پوره کامِل پير) خپل امام جوړول پکار دي د پاره د دې چې حشر د ښه [خلقو] سره وي، که چرې صالِح (مثلاً څوک کامِل پير) امام نه وي نو د هغه امام به شيطان وي۔ په دې آيت کښې د بيعت ثبوت دے۔ ^([1])

صَلُّوۡا عَلَى الۡحَبِيۡب                                                                 صَلَّى اللّٰهُ عَلٰى مُحَمَّد

د نيک بنده د لاسونو ښکلولو برکت

د غريب نواز رَحْمَةُ اللهِ عَلَيْه د خليفه د بختيار کاکي رَحْمَةُ اللهِ عَلَيْه مُريد بابا فريدُ الدِّين مسعود ګنج شکر رَحْمَةُ اللهِ عَلَيْه فرمائي: د الله پاک يو نيک بنده وو، د هغوئي د وفات کيدو نه پس چا هغوئي په خوب کښې اوليدلو او پوښتنه ئې ترې اوکړه: چې الله پاک ستاسو سره څه معامله اوفرمائيله؟ هغه نيک بنده اووئيل: ما چې کوم عملونه په دُنيا کښې کړي وو، ټول ماته اوښودلے شول (آه! په هغې کښې هيڅ نيکي د الله پاک په بارګاه کښې د قبليدو لائق نه وه، نو ځکه) فرښتو ته حکم اوشو: دا دوزخ ته بوځئ! اوس لا فرښتو زه د دوزخ طرف ته بوتلم چې بيا حکم اوشو: په فلانکئ ورځ ده د دِمَشق په لوئي جُمات کښې د حاجي شريف رَحْمَةُ اللهِ عَلَيْه لاسونه ښکل کړي وو، د هغې په برکت دا معاف کولے شي۔ ^([2])