اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف       ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

حضرت سفیان ثوری رَحمۃُ اللہ علیہ فرماتے ہیں : میں نے دورانِ طواف ایک شخص کو  دیکھا ، جو ہر قدم پر درودِ پاک ہی پڑھ رہا تھا۔ میں نے اس سے پوچھا : اے بھائی ! طَوَاف کے دوران پڑھنے کی اور دُعائیں اور اَذْکار بھی ہیں ، ان سب کے بجائے صِرْف درودِ پاک  ہی کا وِرد کئے جا رہے ہو ، اس میں کیا راز ہے ؟ اس نے جواباً کہا : میں اور میرے والِد دونوں حج کے ارادے سے نکلے تھے ، راستے میں میرے والدِ محترم بیمار ہوئے اور اسی بیماری میں اُن کا انتقال ہو گیا ، والِد کی وفات کا دُکھ اپنی جگہ ، اس کے ساتھ ساتھ بہت پریشانی کی بات میرے لئے یہ تھی کہ میرے والِد صاحِب کا چہرہ بالکل سیاہ ہو گیا ، یہ دیکھ کر میں نے اَبُّو جان کا چہرہ ڈھانپ دیا اور دُکھ کی کیفیت میں بیٹھ گیا۔ بیٹھے بیٹھے میری آنکھ لگ گئی ، میں نے خواب میں دیکھا : ایک بہت حسین و جمیل شخصیت ہیں ، ان کا لباس انتہائی صاف شفّاف تھا اور ان سے ایسی خوشبو مہک رہی تھی جو میں نے کبھی نہ سُونگھی تھی۔ وہ ذِی وقار شخصیت میرے والِد کے قریب تشریف لائے ، چادر ہٹائی اور اپنا مبارک ہاتھ اُن کے چہرے پر پھیر دیا۔

اللہ ! اللہ ! بس وہ نورانی ہاتھ چہرے پر لگنے کی دَیْر تھی ، میرے والِدِ محترم کا سیاہ چہرہ نُور سے جگمگانے لگا۔ ایک بےکس پر ایسی کرم نوازی فرمانے کے بعد وہ ذی وقار شخصیت