Book Name:Pyary Aaqa Ka Pyara Dost
پيارا اسلامي ڀائرو! دل ۾ اهو خيال اچي سگهي ٿو ته فلاڻا عالمِ دين يا فلاڻا پير صاحب وغيره ته ايترا امير آهن، انهن وٽ ته ايترو سازوسامان آهي، ته ياد رکو! دنيا جو سامان وڌيڪ هجڻ سان ڪو فرق ناهي پوندو، اصل اُن ۾ 2 شيون آهي: (1) دل ۾ دُنيا جي لالچ نه هجي، انسان ھَلْ مِنْ مَزِیْد (يعني اڃا ملي، اڃا ملي) جي سوچ نه رکندو هجي. (2) ۽ ٻي شي آهي: جيڪو ڪجھ الله پاڪ عطا فرمايو آهي، انسان اُن ۾ مشغول نه ٿي وڃي، الله پاڪ جي عطا ڪيل مال کي الله پاڪ جي راھ ۾، آخرت جي لاءِ استعمال ڪري. جيڪڏهن هي 2 شيون نصيب ٿي وڃن ته دنيا جو مال گهٽ يا زياده ٿيڻ سان ڪو فرق ناهي پوندو. جيئن مسلمانن جا ٽيان خليفه حضرت عثمان غني رَضِىَ اللهُ عَنْهُ نهايت مالدار صحابي هئا ۽ سندن شان اهو آهي جو عشره مُبَشره مان آهن، يعني مالڪِ جنّت قاسِم نعمت صَلَّى اللّٰهُ عَلَيۡهِ واٰلِهٖ وَسَلَّم کيس دنيا ئي ۾ جنت جي خوشخبري ٻُڌائي. يعني پاڻ ايترا مالدار هجڻ جي باوجود جنّتي آهن. ڇو...؟ انهيءَ ڪري جو مالدار هجڻ جنّت کان محرومي جو سبب ناهي، ان جو سبب آهي: لالچ، دنيا جي محبّت، دنيا جي مال ۾ مصروف ٿي ڪري آخرت کان غافل ٿي وڃڻ. بس انهي کان اسان کي بچڻو آهي. اچو! الله پاڪ جي بارگاھ ۾ دعا ڪيون ٿا:
حُبِّ دُنیا سے تُو بچا یارب عاشقِ مُصطَفٰے بنا یارب!
کاش لب پر مِرے رہے جاری ذِکْر آٹھوں پَہَر ترا یارب!
چشمِ تَر اور قلبِ مُضْطَر دے اپنی اُلفت کی مَے پِلا یارب!
نورِ احمد سے قبر روشن ہو وَحشَتِ قبر سے بچا یارب!
طالِبِ مغفِرت ہوں یااللہ! بخش حیدر کا واسطہ یارب!([1])