مسلمان تھا مگر افسوس! میں نے اللہ پاک کی بہت نافرمانیاں کی ہیں اور میری طرح بَہُت سے گنہگار عذاب میں گرفتارہیں۔^([1])

بے نَمازی کا ہَولناک انجام

اللہ! اللہ! اے عاشقانِ رسول! اپنی نمازوں کی فِکْر کیجئے! *بیشک  بے نَمازی سے اللہ پاک ناراض ہوتاہے *جو جان بوجھ کر ایک نَماز چھوڑ دیتاہے،  اُس کا نام جہنّم کے دروازے پر لکھ دیا جاتاہے *نَماز میں سُستی کرنیوالے کو قبر اس طرح دبائے گی کہ اس کی پسلیاں ٹوٹ پھوٹ کر ایک دوسرے میں پیوست ہوجائیں گی*اُس کی قبر میں آگ بھڑکا دی جائے گی *اُس پر ایک گنجاسانپ  مُسَلَّط کردیا جائے گا*اورقیامت کے دِن اس کا حساب سختی سے لیا جائے گا ۔

بے  نَمازی  تیری  شامت  آئے گی                                          قبر  کی   دیوار   بس    مل    جائے گی

توڑ    دے گی   قبر   تیری   پسلیاں                                                                   دونوں ہاتھوں کی ملیں جُوں اُنگلیاں

عمر  میں  چُھوٹی  ہے  گر کوئی نَماز                                                                  جلد   ادا  کرلے  تُو  آ غفلت سے باز

کرلے توبہ ربّ کی رحمت ہے بڑی                                     قبر   میں   ورنہ    سزا   ہوگی   کڑی

ہولناک کنواں

یاد رکھئے! یہ بےنمازی کو قبر میں ہونے والا عذاب ہے اور آخرت میں کیا عذاب ہو گا، وہ بھی سن لیجئے! پارہ 30سُوْرَۃُ الۡمَاعُون کی آیت نمبر4 اور5 میں  ارشاد ہوتا ہے:

فَوَیْلٌ لِّلْمُصَلِّیْنَۙ(۴) الَّذِیْنَ هُمْ عَنْ صَلَاتِهِمْ سَاهُوْنَۙ(۵) (پارہ:30، الماعون:4،5)

ترجمہ ٔکنزُالعِرفان:  تو ان نمازیوں  کیلئے خرابی ہےجو اپنی نماز سے غافل ہیں ۔