سب قطرے مل کر سیلاب بن گئے۔^([1])

دُودھ میں پانی ملانا چھوڑ دو                                                                                        اور ناجائز کمانا چھوڑ دو

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

گستاخِ صحابہ کاانجام

پیارے اسلامی بھائیو!  عذابِ قبر کا ایک بڑا سبب صحابۂ کرام رَضِیَ اللہُ عنہم  اور نیک لوگوں کی گستاخی  بھی ہے۔ چنانچہ حضرت ابواِسحاق رَحمۃُ اللہِ عَلَیْہ  فرماتے ہیں: مجھےایک میت کو غسل دینے کیلئے بلایا گیا،جب میں نے اس کے منہ سے کپڑا ہٹایا توکیا دیکھا کہ اس کى گردن مىں اىک سانپ لپٹاہوا تھا،لوگوں نے  بتایاکہ ىہ شخص صحابۂ کرام رَضِیَ اللہُ عنہم کو  گالىاں بکاکرتا تھا۔^([2])ایک روایت میں ہے کہ یہ بندہ پہلے کے بزرگوں کو گالیاں بکا کرتا تھا۔^([3])

قبْرِصحابی کی توہین کرنےوالےکااَنجام

حضرت اِمام اَعْمَش رَحمۃُ اللہِ عَلَیْہ  فرماتے ہیں: اىک شخص نے حضرتِ امام حسن بن على رَضِیَ اللہُ عنہما کی مبارک قبرپر پىشاب کردىا تو وہ پاگل ہوگىا اور کتّوں کى طرح بھونکنے لگا، پھروہ مرگىا لىکن اس کى قبر سے چیخنے اور بھونکنے کی آواز سُنی گئی۔^([4])

صحابہ آسمان ہدایت کے تارے ہیں

پیارے اسلامی بھائیو! معاذ اللہ! صحابۂ کرام رَضِیَ اللہُ عنہم  کو گالیاں  دینا بہت ہی سخت