زړۀ پۀ يقين سره د حَسْبُنَا اللہُ وَ نِعْمَ الْوَکِیْل وظيفه وکړئ! الله پاک به درته د هر مشکل نه نجات عطا کړي۔ پۀ حديثِ پاک کښې دي: چې کله تاسو ته څۀ مشکل، پريشاني، غټ مصيبت راشي حَسْبُنَا اللہُ وَ نِعْمَ الْوَکِیْل لولئ۔۔۔!! ^([1])

د هرې ويرې نه امان

علامه سيوطي شافعي رَحْمَةُ اللهِ عَلَيْه حديثِ پاک ذِکر کړے دے، رسولِ ذيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: حَسْبِیَ اللہُ و َ نِعْمَ الْوَکِیْل اَمَان لِکُلِّ خَائِفٍ يعنې حَسْبِیَ اللہُ وَ نِعْمَ الْوَکِیْل لوستل هر ويريدونکي ته امان ورکوي۔ ^([2])

د حضرت امام جعفر صادق رَحْمَةُ اللهِ عَلَيْه ارشاد دے: زۀ هٰغه بنده ته ډير حيران يم چا ته چې د چا نه خطره وي نو هغۀ حَسْبُنَا اللہُ وَ نِعْمَ الْوَکِیْل ولې نه لولي۔ ^([3])

  د ويرې ورته نجات حاصل شو

حضرت ابو بکر عَجَلي رَحْمَةُ اللهِ عَلَيْه فرمائي چې يو ځل زۀ پۀ باغ کښې ووم، ناڅاپه ما يو خطرناک شکل والا د تور رنګ کَس وليدو (شايد چې هغۀ څوک پيرے وو)، وړومبے خو زۀ ويريدم، بيا ما دا لوستل شروع کړل: حَسْبِیَ اللہُ وَ نِعْمَ الْوَکِیْل، حَسْبِیَ اللہُ وَ نِعْمَ الْوَکِیْل چې څنګه ما دا وئيل هٰغه تور رنګ والا کَس پۀ زمکه دننه کيدلو، د دې برکتي وظيفې پۀ برکت سره هٰغه تور رنګ والا کَس ټول پۀ زمکه دننه شو او ما ته د هغۀ نه نجات حاصل شو۔ ^([4])