لوږه او تنده مې هم ختمه شوه او د يخنۍ نه د حفاظت ذريعه هم جوړه شوه۔ ^([1])

 سُبْحٰنَ اللہ! خوږو او محترمو اِسلامي وروڼو! معلومه شوه چې حَسْبُنَا اللہُ بهترينه وظيفه ده، د دې پۀ برکت لوئي لوئي مشکلات لرې کيږي۔

د نبيانو وظيفه

خوږو او محترمو اِسلامي وروڼو! حَسْبُنَا اللہُ وَ نِعْمَ الْوَکِیْل د نبيانو وليانو وظيفه ده۔ د الله پاک د خوږو نبيانو دا طريقه وه چې کله به هغوئي ته څۀ سخته راپيښه شوه، څۀ پريشاني به وه نو بد ګماني به يـې نه کوله بلکې د الله پاک پۀ لور به يـې توجه کوله، پۀ هغۀ باندې به يـې يقين کولو، د زړۀ د پوخ يقين سره به يـې حَسْبُنَا اللہُ وَ نِعْمَ الْوَکِیْل لوستل۔ د حضرت اَنس بن مالِک رَضِىَ اللهُ عَـنْهُ نه روايت دے، رسولِ ذيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم ووفرمائيل: د وور پۀ ورځ (پۀ کومه ورځ چې نمرود د ابراهيم عَلَیْهِ السَّلَام د پاره وور بل کړے وو) پۀ هٰغه ورځ چې حضرت ابراهيم عَلَیْهِ السَّلَام د وور خوا له راوستے شو نو هغوئي چې وور وليدو نو اوئې وئيل: حَسْبُنَا اللہُ وَ نِعْمَ الْوَکِیْل مونږ له الله کافي دے او هغۀ څومره ښه کار ساز دے۔ ^([2])

بيا هم د دې وظيفې برکت وو، د حضرت ابراهيم عَلَیْهِ السَّلَام د کامِل يقين او د الله پاک پۀ رحمت باندې د باور برکت وو چې هٰغه ډير وور کوم چې تر ميلونو پورې خور وو، د حضرت ابراهيم عَلَیْهِ السَّلَام د پاره د ګلونو باغ جوړ شو۔

تروې اوبه خوږې شوې