د حضرت ابو دَرداء رَضِىَ اللهُ عَـنْهُ نه روايت دے، فرمائي: کوم بنده چې سحر او ماښام اووه اووه [7، 7] کرته دا وظيفه ولولي: حَسْبِيَ اللَّهُ لَا إِلَهَ إِلَّا هُوَ، عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ ۔۔۔!! الله پاک به د دُنيا او د آخرت پۀ ټولو مشکلاتو کښې د هغۀ د پاره کافي شي۔ ^([1])

د شجره قادريه عطّاريه يوه وظيفه

خوږو او محترمو اِسلامي وروڼو! غور وکړئ چې زمونږ سره دا څومره ښکلې وظيفه ده۔۔۔!! * که څۀ مشکل وي * څۀ پريشاني وي * څۀ مصيبت راشي * قرض درباندې وي * کار روزګار بند وي * نوکري تلې وي * بيماري راغلې وي * غرض دا چې څۀ مشکل هم راغلے وي، بيا د دې وبال پۀ توره پيشو باندې، پۀ چا ړوند باندې، پۀ ستورو باندې مۀ اچوئ! يعنې بد ګماني مۀ کوئ! وظيفه وکړئ! حَسْبُنَا اللہُ وَ نِعْمَ الْوَکِیْل ...!! اِنْ شَآءَ اللہُ الْکَرِیم! مشکلات به مو اسان شي۔

پۀ شجره عاليه قادريه عطّاريه کښې دي چې روزانه د سحر د نـمونځ نه پس د نمر راختو نه مخکښې او د ماښام د نـمونځ نه پس لس لس [10، 10] کرته پۀ پابندۍ سره د دې دُعا د لوستونکي به اِنْ شَآءَ اللہُ الْکَرِیم! ټول جائز کارونه صحيح شي او دښمن به يـې مغلوب شي۔ ^([2])

حَسْبِیَ اللّٰهُ ﱙ لَاۤ اِلٰهَ اِلَّا هُوَؕ-عَلَیْهِ تَوَكَّلْتُ وَ هُوَ رَبُّ الْعَرْشِ الْعَظِیْمِ۠(۱۲۹) (پارہ:11، التوبہ:129)

[مفهوم] ترجمهٴ کنزُ العِرفان: ما له الله کافي دے، د هغۀ نه سِـوا بل هيڅ معبُود نشته، ما هُم پۀ هغۀ باندې تَوَکُّل  وکړو او هغۀ د عرشِ عظيم مالِک دے۔