بڑھ رہا ہے، آہ! صد آہ! عنقریب، بس چند ہی دِن بعد ماہِ رمضان ہم سے رُخصت ہو جائے گا۔

آہ! رمضان اب جا رہا ہے                                                                      ہائے تڑپا کے رمضاں چلا ہے

ٹکڑے ٹکڑے مرا دِل ہوا ہے                                              ہائے تڑپا کے رمضاں چلا ہے

جلد رخصت کا وقت آ گیا ہے                                                            ہائے تڑپا کے رمضاں چلا ہے

سب کو روتا ہوا چھوڑتا ہے                                                               ہائے   تڑپا   کے   رمضاں   چلا   ہے^([1])

باقی زندگی اَنمول ہے

پیارے اسلامی بھائیو! ابھی ماہِ رمضان کے کچھ دِن باقی ہیں، ہمیں چاہئے کہ انہیں غنیمت جانیں، مسلمانوں کے چوتھے خلیفہ حضرت علی المرتضیٰ شیرِ ِخُدا  رَضِیَ اللہُ عنہ  کا بڑا پیارا فرمان ہے کہ بَقِیَّۃُ عُمْرِ الرَّجُلِ لَا ثَمَنَ لَہٗ یعنی آدمی کی جو باقی زندگی ہے، وہ اَنمول ہے۔^([2])

واقعی یہ حقیقت ہے، جو لمحات گزر چکے، وہ تو گزر گئے، اب کبھی پلٹ کر نہیں آئیں گے، جو لمحات ہمیں میسر ہیں، یہ انمول ہیں، ہمیں چاہئے کہ ان سے فائدہ اُٹھائیں، آیندہ ماہِ رَمضَان ہم دیکھ پائیں گے یا نہیں، یہ تو ہم نہیں جانتے، لہٰذا یہ جو چند دِن رہ گئے ہیں، ان میں خُوب دِل لگا کر نیکیاں کر لیں، اب ایک ایک منٹ قیمتی ہے، ایک لمحہ بھی ضائع کئے بغیرزیادہ سے زیادہ برکتیں لُوٹ لیں۔ ابھی ہمارے پاس ایک طاق رات یعنی آج جو رات آئے گی، 29 وِیں رات باقی ہے * پِھر اس کے بعد لَیْلَۃُ الْجَائِزہ (یعنی عید کی چاند رات) بھی آنی ہے* وہ عظیم رات کہ پُورے ماہِ رمضان میں جتنوں کی مغفرت ہوتی ہے، ان کی مجموعی تعداد کے برابر لوگوں کی مغفرت اس ایک رات میں کر دی جاتی ہے۔^([3]) یعنی ہمارے لئے مواقع ہی