Book Name:ALLAH Aur Rasool Ke Sher Hazrat Ameer Hamza
وَاسْتَعِنْ بِاللّٰہِ وَلَاتَعْجِزْ يعنې پۀ هغې باندې حرص کوه څه چې تا له فائده درکوي او د الله پاک نه مدد غواړه او مۀ عاجزه کيږه۔ ([1])
د نيکۍ پۀ معامله کښې بے صبره شئ۔۔۔!!
د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ الـلّٰـهِ عَـلَيْه د دې حديثِ پاک لاندې فرمائي: ياد ساتئ چې د دُنيا پۀ څيزونو کښې قناعت او صبر ښه دے خو د اخرت پۀ څيزونو کښې حِرص او بے صبري اعلیٰ ده، د دِين يوې درجې ته پۀ رسيدلو باندې قناعت مۀ کوئ بلکې د وړاندې تللو کوشش کوئ۔ ([2]) الله پاک دې مونږ ته د نيکو کولو حِرص راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔
پۀ نيکو کښې تادي کول د انبيائے کرامو علَيهِمُ السَّلام طريقه ده
خوږو او محترمو اِسلامي وروڼو! پۀ نيکو کښې تادي کول د انبيائے کرامو طريقه ده۔ پۀ قرآنِ کريم کښې دي:
اِنَّهُمْ كَانُوْا یُسٰرِعُوْنَ فِی الْخَیْرٰتِ
(پارہ:17، سورۀ انبیاء:90)
ترجمهٴ کنزُ العِرفان: بے شکه هغوئي به پۀ نيکو کښې تادي کوله۔
يعنې د انبيائے کرامو عَلَیْہِمُ السَّلَام انداز مبارک وو چې د نيکو پۀ کارونو کښې به يـې تادي کوله۔
پۀ صدقه کولو کښې يـې تادي وکړه
صحابئ رسول حضرت عُقبَه بن حَارِث رَضِىَ اللهُ عَـنْهُ فرمائي: يو ځل ما د مازديګر نـمونځ