اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ  بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ     وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ        وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف             (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

حضرت سَہل بن سعد  رَضِیَ اللہُ عنہ   سے روایت ہے: ایک دِن سرکارِ عالی وقار، مکی مَدَنی   تاجدار  صَلَّی اللہ عَلَیْہِ وَ آلِہٖ وَسَلَّم  کے چہرہ مُبارَک پر خوشی کے آثار تھے، حضرت ابو طلحہ اَنصاری  رَضِیَ اللہُ عنہ  نے عرض کیا: یَارَسُوْلَ اللہ  صَلَّی اللہ عَلَیْہِ وَ آلِہٖ وَسَلَّم !میرے ماں باپ آپ پر قربان ہوں! آج چہرۂ مُبارَک پر خوشی کے آثار ہیں۔ پیارے آقا، مدینے والے مصطفےٰ  صَلَّی اللہ عَلَیْہِ وَ آلِہٖ وَسَلَّم نے فرمایا:بے شک ابھی جبریلِ امین  علیہ السَّلام  میرے پاس آئے، کہا: اے مُحَمَّد  صَلَّی اللہ عَلَیْہِ وَ آلِہٖ وَسَلَّم !جس نے آپ پر ایک بار درودِ پاک پڑھا، اللہ پاک اُس کے اعمال نامے میں 10نیکیاں لکھے گا اور10 گُناہ مٹا دے گا اور 10درجات بڑھادے گا۔ ^([1])

اُن پر درود جن کو کَسِ بے کَساں کہیں   اُن پر سَلام جن کو خَبَر بے خَبَر کی ہے^([2])

وضاحت: وہ پیارے آقا، مکی مَدَنی    مصطفےٰ  صَلَّی اللہ عَلَیْہِ وَ آلِہٖ وَسَلَّم  جن کو بے سہاروں کا سہارا کہا جاتا ہے، جو ہر بےخبر کی خبر رکھنے والے ہیں، ان پر درود اور سلام ہوں۔

صَلُّوا عَلَی الْحَبیب!   صَلَّی اللہُ عَلٰی مُحَمَّد