Book Name:Meraj e Mustafa Mein Seekhnay Ki Baatein
روايتون ٻڌون ۽ انهن کان بندگي جا آداب سکون.
اها ئي وجھ آهي جو قرآنِ پاڪ ۾ جتي جتي معراج جو ذڪر ٿيو، اتي پاڻ صَلَّى اللّٰهُ عَلَيۡهِ واٰلِهٖ وَسَلَّمَ جي عبديت واري وصف کي ذڪر ڪيو ويو آهي. مثال طور الله پاڪ ارشاد فرمايو:
سُبۡحٰنَ الَّذِیۡۤ اَسۡرٰی بِعَبۡدِہٖ
ترجمو ڪنزالعرفان: پاڪ آهي اها ذات جنهن پنهنجي خاص ٻانهي کي رات جي ڪجھ حصي ۾ مسجدِ حرام کان مسجدِ اقصٰي تائين سير ڪرايو.[1]
+سورتِ نجم ۾ معراج جو بيان ٿيو اتي به فرمايو:
فَاَوْحٰۤى اِلٰى عَبْدِهٖ
ترجمو ڪنزالعرفان: پوءِ ان پنهنجي ٻانهي کي وحي فرمائي جيڪا ان وحي فرمائي. [2]
روايت ۾ آهي: معراج واري رات جڏهن پيارا آقا، مڪي مدني مصطفٰي صَلَّى اللّٰهُ عَلَيۡهِ واٰلِهٖ وَسَلَّمَ الله پاڪ جي بارگاھ ۾ حاضر ٿيا ته الله پاڪ فرمايو: بِمَ اُشَرِّفُکَ يعني اي پيارا محبوب صَلَّى اللّٰهُ عَلَيۡهِ واٰلِهٖ وَسَلَّمَ! اڄ اوهان کي ڪهڙي شرف سان نوازيان؟ عرض ڪيائون: اي ربَّ ڪريم! مون کي پنهنجي طرف بندگي جي نسبت عطا فرماءِ. ان تي الله پاڪ هيءَ آيتِ ڪريمه نازل فرمائي، ارشاد ٿيو: [3]
سُبۡحٰنَ الَّذِیۡۤ اَسۡرٰی بِعَبۡدِہٖ