Book Name:حَسْبُنَا اللہ (یعنی ہمیں اللہ کافِی ہے)
راہِ خُدا میں نکلنا ہے*ہمارے پیارے آقا، مکی مدنی مصطفےٰ صَلَّی اللہُ عَلَیْہِ وَآلِہٖ وَسَلَّم نیکی کی دعوت دینے کے لئے بازاروں میں تشریف لے جاتے *مختلف قبائل میں جا کر بھی نیکی کی دعوت دیاکرتے تھے۔ دعوتِ اسلامی والے عاشقانِ رسول بھی اس پیاری ادا کو اداکرنے کوشش کرتے ہیں*گھر گھر،دُکان دُکان جا کر نیکی کی دعوت پیش کی جاتی ہے*لوگوں کو مسجد میں آنےکی دَعْوت دی جاتی ہے*نمازوں کی ترغیب دِلائی جاتی ہے*ہم اسے علاقائی دورہ کہتے ہیں۔آپ بھی عاشقانِ رسول کے ساتھ مل کر علاقائی دَوْرہ کیا کیجئے! اِنْ شَآءَ اللہُ الْکَرِیْم! *سُنّتِ انبیاء پر عَمَل کی سَعَادت ملے گی*نیکی کی دَعْوَت عام کرنے کا ثواب ملے گا*حدیثِ پاک کے مطابق نیکی کی راہ دکھانے والا، نیکی کرنے والے کی طرح ہے([1])*اگر ہماری نیکی کی دعوت سے ایک شخص بھی نیک نمازی بن گیا تو یقین مانیئے! وارے ہی نیارے ہو جائیں گے۔
آئیے ترغیب کے لئے آپ کو ایک مدنی بہار سناتا ہوں۔
عاشقانِ رسول کا ایک مدنی قافلہ 3دن کیلئے ، سندھ کے شہر ٹنڈوآدم میں پہنچا، جس میں سننے اور بولنے کی صلاحیت سے محروم اسلامی بھائی بھی شامل تھے۔ نمازِ عصر کے بعد مدنی قافلے کے عاشقانِ رسول علاقائی دورہ کیلئے مسجد کے قریب ایک کرکٹ کے میدان میں پہنچے ، مدنی قافلے کے ایک عمومی اسلامی بھائی نے وہاں موجود نوجوانوں کو بتایا کہ ہمارے ساتھ سننے اور بولنے کی صلاحیت سے محروم اسلامی بھائی بھی ہیں، یہ آپ کو اشاروں کی زبان میں نیکی کی دعوت پیش کریں گے۔ پھر گونگے بہرے اسلامی بھائی نے اشاروں کی زبان