Book Name:Saaray Oonchon Se Ooncha Hamara Nabi
* چھونے کی طاقت آپصَلَّی اللہ عَلَیْہِ وَ آلِہٖ وَ سَلَّم کو عطا کی گئی، ایسی باکمال و بےمثال طاقتیں اور کسی کو عطا نہیں ہوئی ہیں۔ غرض کہ ان نِرالی شانوں کو دیکھتے ہوئے ہمیں کہنا پڑتا ہے:
سب سے اولیٰ و اعلیٰ ہمارا نبی سب سے بالا و وَالا ہمارا نبی
اپنے مولیٰ کا پیارا ہمارا نبی دونوں عالَم کا دُولہا ہمارا نبی
جس کو شایاں ہے عرشِ خُداپر جلوس ہے وہ سلطانِ والا ہمارا نبی
جس کے تلووں کا دھون ہے آبِ حیات ہے وہ جانِ مسیحا ہمارا نبی
خلق سے اولیا، اَوْلیا سے رُسُل اور رسولوں سے اعلیٰ ہمارا نبی
ملکِ کونین میں انبیا تاجدار تاجداروں کا آقا ہمارا نبی
سارے اچھوں سے اچھا سمجھئے جسے ہے اس اچھے سے اچھا ہمارا نبی
سارے اُونچوں سےاُونچا سمجھئے جسے ہے اس اُونچے سے اُونچا ہمارا نبی([1])
سُبْحٰنَ اللہ!اے عاشقانِ رسول! یہ سرکارِ عالی وقار،مکی مدنی تاجدار صَلَّی اللہ عَلیہ وَآلہٖ و َسَلَّم کی چند شانوں کا مختصر بیان ہے، حق تو یہی ہے کہ
زندگیاں ختم ہوئیں اور قلم ٹوٹ گئے تیرے اَوْصاف کا اِک باب بھی پورا نہ ہوا
سیدی اعلیٰ حضرت رَحمۃُ اللہ عَلَیْہ جیسے بُلند رُتبہ عالِمِ دین نے ساری زندگی نعتیں لکھیں، بالآخر یہی کہا:
تیرے تو وَصْف عیبِ تَناہی سے ہیں بَری
حیراں ہُوں میرے شاہ میں کیا کیا کہوں تجھے([2])