Book Name:Saaray Oonchon Se Ooncha Hamara Nabi
سُبْحٰنَ اللہ! * یہ ہے حبیب اور خَلِیل کا فرق...!! * یہ ہے حبیب اور کَلِیم کا فرق ...!! * یہ ہے حبیبُ اللہ اور رُوح ُاللہ کا فرق...!! * صَفِیُّ اللہ وہ ہیں جو ان کا نامِ پاک چُوم کر آنکھوں سے لگاتے ہیں * خلیلُ اللہ وہ ہیں جو ان کے آنے کی دُعائیں کرتے ہیں * کلیمُ اللہ وہ ہیں جو ان کا اُمّتی ہونے کی التجائیں کرتے ہیں * اور رُوح اللہ وہ ہیں جو ان کے آنے کی خوشخبریاں سُناتے ہیں * اور حبیبُ اللہ وہ ہیں جو سب کی شانیں بڑھاتے، امامُ الانبیا بن کے تشریف لاتے ہیں۔
سیدی اعلیٰ حضرت رَحمۃُ اللہ عَلَیْہ رَحمۃُ اللہ عَلَیْہ نے کیا خوب لکھا:
سب سے اَوَّل سب سے آخر ابتدا ہو انتہا ہو
تھے وسیلے سب نبی تم اَصْلِ مَقْصُودِ ہُدیٰ ہو
پاک کرنے کو وُضُو تھے تم نمازِ جَانْفِزا ہو
سب بشارت کی اَذاں تھے تم اَذاں کا مُدَّعا ہو
قُربِ حق کی منزلیں تھے تم سفر کا مُنْتَہیٰ ہو
سب تمہارے دَر کے رستے ایک تم راہِ خُدا ہو
سب کی ہے تم تک رسائی بارگہ تک تم رسا ہو([1])
وضاحت: * یارسولَ اللہ صَلَّی اللہ عَلَیْہِ وَ آلِہٖ وَ سَلَّم! سب سے پہلے نبی بھی آپ ہیں کہ ابھی آدم عَلَیْہ ِالسَّلام کی تخلیق بھی نہ ہوئی تھی آپ کو نبوت عطا فرما دی گئی تھی، آخری نبی بھی آپ ہیں، نبوت و رسالت کی ابتداء بھی آپ سے ہے، انتہا بھی آپ سے ہے * سب نبی وسیلے تھے،