Book Name:Saaray Oonchon Se Ooncha Hamara Nabi
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف (ترجمہ: میں نے سُنَّت اعتکاف کی نِیَّت کی)
حُجَّۃُ الْاِسْلام امام محمد بن محمد غزالی رَحمۃُ اللہ عَلَیْہ لکھتے ہیں: ایک مرتبہ اللہ پاک نے اپنے نبی حضرت موسیٰ کلیمُ اللہ عَلَیْہ ِالسَّلام کی طرف وحی بھیجی، فرمایا: اے موسیٰ! * تمہاری گفتگو جتنی تمہاری زبان کے قریب ہے * تمہارے خیالات جتنے تمہارے دِل کے قریب ہیں * تمہاری رُوح جتنی تمہارے بدن کے قریب ہے * تمہاری آنکھوں کا نُور جتنا تمہاری آنکھوں کے قریب ہے * تمہاری سُننے کی طاقت جتنی تمہارے کانوں کے قریب ہے، اگر تم چاہتے ہو کہ تمہیں میرا اس سے بھی زیادہ قُرْب نصیب ہو تو پِھر میرے محبوب نبی حضرت مُحَمَّد صَلَّی اللہ عَلَیْہِ وَ آلِہٖ وَ سَلَّم پر کَثْرت سے درود پڑھا کرو...!! ([1])
آنکھوں کا تارا نامِ مُحَمَّد دِل کا اُجالا نامِ مُحَمَّد
نُوح و خلیل و موسیٰ و عیسیٰ سب کا ہے آقا نامِ مُحَمَّد
اللہ والا دَم میں بنا دے اللہ والا نامِ مُحَمَّد([2])
پیارے اسلامی بھائیو! ہمارے آقا ومولیٰ، مکی مدنی مصطفےٰصَلَّی اللہ عَلَیْہِ وَ آلِہٖ وَ سَلَّم کی کیسی